۞ وَلَاتُجَـٰدِلُوٓا۟أَهْلَٱلْكِتَـٰبِإِلَّابِٱلَّتِىهِىَأَحْسَنُإِلَّاٱلَّذِينَظَلَمُوا۟مِنْهُمْ ۖوَقُولُوٓا۟ءَامَنَّابِٱلَّذِىٓأُنزِلَإِلَيْنَاوَأُنزِلَإِلَيْكُمْوَإِلَـٰهُنَاوَإِلَـٰهُكُمْوَٰحِدٌۭوَنَحْنُلَهُۥمُسْلِمُونَ٤٦

اور اہل کتاب کے ساتھ بحﺚ ومباحثہ نہ کرو مگر اس طریقہ پر جو عمده ہو¹ مگر ان کے ساتھ جو ان میں ﻇالم ہیں² اور صاف اعلان کر دو کہ ہمارا تو اس کتاب پر بھی ایمان ہے اور جو ہم پر اتاری گئی ہے اور اس پر بھی جو تم پر اتاری گئی³، ہمارا تمہارا معبود ایک ہی ہے۔ ہم سب اسی کے حکم برادر ہیں.

اور ہم نے اسی طرح آپ کی طرف اپنی کتاب نازل فرمائی ہے، پس جنہیں ہم نے کتاب دی ہے وه اس پر ایمان ﻻتے ہیں¹ اور ان (مشرکین) میں سے بعض اس پر ایمان رکھتے ہیں² اور ہماری آیتوں کا انکار صرف کافر ہی کرتے ہیں.

اس سے پہلے تو آپ کوئی کتاب پڑھتے نہ تھے¹ اور نہ کسی کتاب کو اپنے ہاتھ سے لکھتے² تھے کہ یہ باطل پرست لوگ شک وشبہ میں پڑتے.³

بلکہ یہ (قرآن) تو روشن آیتیں ہیں جو اہل علم کے سینوں میں محفوظ ہیں¹، ہماری آیتوں کا منکر بجز ﻇالموں کے اور کوئی نہیں.

انہوں نے کہا کہ اس پر کچھ نشانیاں (معجزات) اس کے رب کی طرف سے کیوں نہیں اتارے گئے۔ آپ کہہ دیجئے کہ نشانیاں تو سب اللہ تعالیٰ کے پاس ہیں¹ میں تو صرف کھلم کھلا آگاه کر دینے واﻻ ہوں.

کیا انہیں یہ کافی نہیں؟ کہ ہم نے آپ پر کتاب نازل فرما دی جو ان پر پڑھی جا رہی ہے¹، اس میں رحمت (بھی) ہے اور نصیحت (بھی) ہے ان لوگوں کے لئے جو ایمان والے ہیں.²

کہہ دیجئے کہ مجھ میں اور تم میں اللہ تعالیٰ گواه ہونا کافی ہے¹ وه آسمان وزمین کی ہر چیز کا عالم ہے، جو لوگ باطل کے ماننے والے اور اللہ تعالیٰ سے کفر کرنے والے² ہیں وه زبردست نقصان اور گھاٹے میں ہیں.³

یہ لوگ آپ سے عذاب کی جلدی کر رہے ہیں¹۔ اگر میری طرف سے مقرر کیا ہوا وقت نہ ہوتا تو ابھی تک ان کے پاس عذاب آچکا ہوتا²، یہ یقینی بات ہے کہ اچانک ان کی بے خبری میں ان کے پاس عذاب آپہنچے گا.³

یہ عذاب کی جلدی مچا رہے ہیں اور (تسلی رکھیں) جہنم کافروں کو گھیر لینے والی ہے.¹

اس دن ان کے اوپر تلے سے عذاب ڈھانﭗ رہا ہوگا اور اللہ تعالیٰ¹ فرمائے گا کہ اب اپنے (بد) اعمال کا مزه چکھو.

اے میرے ایمان والے بندو! میری زمین بہت کشاده ہے سو تم میری ہی عبادت کرو.¹

ہر جاندار موت کا مزه چکھنے واﻻ ہےاور تم سب ہماری ہی طرف لوٹائے جاؤ گے.¹

اور جولوگ ایمان ﻻئے اور نیک کام کیے انہیں ہم یقیناً جنت کے ان باﻻ خانوں میں جگہ دینگے جن کے نیچے چشمے بہہ رہے ہیں¹ جہاں وه ہمیشہ رہیں گے²، کام کرنے والوں کا کیا ہی اچھا اجر ہے.

وه جنہوں نے صبر کیا¹، اور اپنے رب تعالیٰ پر بھروسہ رکھتے ہیں.²

اور بہت سے¹ جانور ہیں جو اپنی روزی اٹھائے نہیں پھرتے²، ان سب کو اور تمہیں بھی اللہ تعالیٰ ہی روزی دیتا ہے³، وه بڑا ہی سننے جاننے واﻻ ہے.⁴

اور اگر آپ ان سے دریافت کریں کہ زمین وآسمان کا خالق اور سورج چاند کو کام میں لگانے واﻻ کون ہے؟ تو ان کا جواب یہی ہوگا کہ اللہ تعالیٰ¹، پھر کدھر الٹے جا رہے ہیں.²

اللہ تعالیٰ اپنے بندوں میں سے جسے چاہے فراخ روزی دیتا ہے اور جسے چاہے تنگ¹۔ یقیناً اللہ تعالیٰ ہر چیز کا جاننے واﻻ ہے.²

اور اگر آپ ان سے سوال کریں کہ آسمان سے پانی اتار کر زمین کو اس کی موت کے بعد زنده کس نے کیا؟ تو یقیناً ان کا جواب یہی ہوگا اللہ تعالیٰ نے۔ آپ کہہ دیں کہ ہر تعریف اللہ ہی کے لئے سزاوار ہے، بلکہ ان میں سے اکثر بے عقل ہیں.¹

اور دنیا کی یہ زندگانی تو محض کھیل تماشا ہے¹ البتہ آخرت کے گھر کی زندگی ہی حقیقی زندگی ہے²، کاش! یہ جانتے ہوتے.³

پس یہ لوگ جب کشتیوں میں سوار ہوتے ہیں تو اللہ تعالیٰ ہی کو پکارتے ہیں اس کے لئے عبادت کو خالص کر کے پھر جب وه انہیں خشکی کی طرف بچا ﻻتا ہے تو اسی وقت شرک کرنے لگتے ہیں.¹

تاکہ ہماری دی ہوئی نعمتوں سے مکرتے رہیں اور برتتے رہیں¹۔ ابھی ابھی پتہ چل جائے گا.

کیا یہ نہیں دیکھتے کہ ہم نے حرم کو با امن بنا دیا ہے حاﻻنکہ ان کے اردگرد سے لوگ اچک لیے جاتے ہیں¹، کیا یہ باطل پر تو یقین رکھتے ہیں اور اللہ تعالیٰ کی نعمتوں پر ناشکری کرتے ہیں.²

اور اس سے بڑا ﻇالم کون ہوگا؟ جو اللہ تعالیٰ پر جھوٹ باندھے¹ یا جب حق اس کے پاس آجائے وه اسے² جھٹلائے، کیا ایسے کافروں کا ٹھکانا جہنم میں نہ ہوگا؟

اور جو لوگ ہماری راه میں مشقتیں برداشت کرتے ہیں¹ ہم انہیں اپنی راہیں ضرور دکھا دیں گے²۔ یقیناً اللہ تعالیٰ نیکو کاروں کا ساتھی ہے.³

الم.

رومی مغلوب ہوگئے ہیں.

نزدیک کی زمین پر اور وه مغلوب ہونے کے بعد عنقریب غالب آجائیں گے.

چند سال میں ہی۔ اس سے پہلے اور اس کے بعد بھی اختیار اللہ تعالیٰ ہی کا ہے۔ اس روز مسلمان شادمان ہوں گے.

اللہ کی مدد سے¹، وه جس کی چاہتا ہے مدد کرتا ہے۔ اصل غالب اور مہربان وہی ہے.

اللہ کا وعده ہے¹، اللہ تعالیٰ اپنے وعدے کا خلاف نہیں کرتا لیکن اکثر لوگ نہیں جانتے.

وه تو (صرف) دنیوی زندگی کے ﻇاہر کو (ہی) جانتے ہیں اور آخرت سے تو بالکل ہی بےخبر ہیں.¹

کیا ان لوگوں نے اپنے دل میں یہ غور نہیں کیا؟ کہ اللہ تعالیٰ نے آسمانوں کو اور زمین اور ان کے درمیان جو کچھ ہے سب کو بہترین قرینے¹ سے مقرر وقت تک کے لئے (ہی) پیدا کیا ہے، ہاں اکثر لوگ یقیناً اپنے رب کی ملاقات کے منکر ہیں.²

کیا انہوں نے زمین پر چل پھر کر یہ نہیں دیکھا¹ کہ ان سے پہلے لوگوں کا انجام کیسا (برا) ہوا²؟ وه ان سے بہت زیاده توانا (اور طاقتور) تھے³ اور انہوں نے (بھی) زمین بوئی جوتی تھی⁴ اور ان سے زیاده آباد کی تھی⁵ اور ان کے پاس ان کے رسول روشن دﻻئل لے کر آئے تھے⁶۔ یہ تو ناممکن تھا کہ اللہ تعالیٰ ان⁷ پر ﻇلم کرتا لیکن (دراصل) وه خود اپنی جانوں پر ﻇلم کرتے تھے.⁸

پھر آخر برا کرنے والوں کا بہت ہی برا انجام ہوا¹، اس لئے کہ وه اللہ تعالیٰ کی آیتوں کو جھٹلاتے اور ان کی ہنسی اڑاتے تھے.

اللہ تعالیٰ ہی مخلوق کی ابتدا کرتا ہے¹ پھر وہی اسے دوباره پیدا کرے گا پھر تم سب اسی کی طرف لوٹائے جاؤ گے.²

اور جس دن قیامت قائم ہوگی تو گنہگار حیرت زده ره جائیں گے.¹

اور ان کے تمام تر شریکوں میں سے ایک بھی ان کا سفارشی نہ ہوگا¹ اور (خود یہ بھی) اپنے شریکوں کے منکر ہو جائیں گے.²

اور جس دن قیامت قائم ہوگی اس دن (جماعتیں) الگ الگ ہو جائیں گی.¹

جو ایمان ﻻکر نیک اعمال کرتے رہے وه تو جنت میں خوش وخرم کر دیئے جائیں گے.¹

اور جنہوں نے کفر کیا تھا اور ہماری آیتوں کو اور آخرت کی ملاقات کو جھوٹا ٹھہرایا تھا وه سب عذاب میں پکڑ کر حاضر رکھے جائیں گے.¹

پس اللہ تعالیٰ کی تسبیح پڑھا کرو جب کہ تم شام کرو اور جب صبح کرو.

تمام تعریفوں کے ﻻئق آسمان وزمین میں صرف وہی ہے تیسرے پہر کو اور ﻇہر کے وقت بھی (اس کی پاکیزگی بیان کرو).¹

(وہی) زنده کو مرده سے اور مرده کو زنده سے نکالتا ہے¹۔ اور وہی زمین کو اس کی موت کے بعد زنده کرتا ہے اسی طرح تم (بھی) نکالے جاؤ گے.²

اللہ کی نشانیوں میں سے ہے کہ اس نے تم کو مٹی سے پیدا کیا پھر اب انسان بن کر (چلتے پھرتے) پھیل رہے ہو.¹

اور اس کی نشانیوں میں سے ہے کہ تمہاری ہی جنس سے بیویاں پیدا کیں¹ تاکہ تم ان سے آرام پاؤ² اس نے تمہارے درمیان محبت اور ہمدردی قائم کر دی³، یقیناً غور وفکر کرنے والوں کے لئے اس میں بہت سی نشانیاں ہیں.

اس (کی قدرت) کی نشانیوں میں سے آسمانوں اور زمین کی پیدائش اور تمہاری زبانوں اور رنگتوں کا اختلاف (بھی) ہے¹، دانش مندوں کے لئے اس میں یقیناً بڑی نشانیاں ہیں.

اور (بھی) اس کی (قدرت کی) نشانی تمہاری راتوں اور دن کی نیند میں ہے اور اس کے فضل (یعنی روزی) کو تمہارا تلاش کرنا بھی ہے¹۔ جو لوگ (کان لگا کر) سننے کے عادی ہیں ان کے لئے اس میں بہت سی نشانیاں ہیں.

اور اس کی نشانیوں میں سے ایک یہ (بھی) ہے کہ وه تمہیں ڈرانے اور امیدوار بنانے کے لئے بجلیاں دکھاتا¹ ہے اور آسمان سے بارش برساتا ہے اور اس مرده زمین کو زنده کر دیتا ہے، اس میں (بھی) عقلمندوں کے لئے بہت سی نشانیاں ہیں.

اس کی ایک نشانی یہ بھی ہے کہ آسمان وزمین اسی کے حکم سے قائم ہیں، پھر جب وه تمہیں آواز دے گا صرف ایک بار کی آواز کے ساتھ ہی تم سب زمین سے نکل آؤ گے.¹

اور زمین وآسمان کی ہر چیز اس کی ملکیت ہےاور ہر ایک اس کے فرمان کے ماتحت ہے.¹

وہی ہے جو اول بار مخلوق کو پیدا کرتا ہے پھر سے دوباره پیدا کرے گا اور یہ تو اس پر بہت ہی آسان ہے۔ اسی کی بہترین اور اعلیٰ صفت ہے¹، آسمانوں میں اور زمین میں بھی اور وہی غلبے واﻻ حکمت واﻻ ہے.

اللہ تعالیٰ نے تمہارے لئے ایک مثال خود تمہاری ہی بیان فرمائی، جو کچھ ہم نے تمہیں دے رکھا ہے کیا اس میں تمہارے غلاموں میں سے بھی کوئی تمہارا شریک ہے؟ کہ تم اور وه اس میں برابر درجے کے ہو¹؟ اور تم ان کا ایسا خطره رکھتے ہو جیسا خود اپنوں کا²، ہم عقل رکھنے والوں کے لئے اسی طرح کھول کھول کر آیتیں بیان کر دیتے ہیں.³

بلکہ بات یہ ہے کہ یہ ﻇالم تو بغیر علم کے¹ خواہش پرستی کر رہے ہیں، اسے کون راه دکھائے جسے اللہ تعالیٰ راه سے ہٹا دے²، ان کا ایک بھی مددگار نہیں.³

پس آپ یک سو ہو کر اپنا منھ دین کی طرف متوجہ کر دیں¹۔ اللہ تعالیٰ کی وه فطرت جس پر اس نے لوگوں کو پیدا کیا ہے²، اللہ تعالیٰ کے بنائے کو بدلنا نہیں، یہی سیدھا دین ہے³ لیکن اکثر لوگ نہیں سمجھتے.⁴

(لوگو!) اللہ تعالیٰ کی طرف رجوع ہو کر اس سے ڈرتے رہو اور نماز کو قائم رکھو اور مشرکین میں سے نہ ہو جاؤ.¹

ان لوگوں میں سے جنہوں نے اپنے دین کو ٹکڑے ٹکڑے کر دیا اور خود بھی گروه گروه ہوگئے¹ ہر گروه اس چیز پر جو اس کے پاس ہے مگن ہے.²

لوگوں کو جب کبھی کوئی مصیبت پہنچتی ہے تو اپنے رب کی طرف (پوری طرح) رجوع ہو کر دعائیں کرتے ہیں، پھر جب وه اپنی طرف سے رحمت کاذائقہ چکھاتا ہے تو ان میں سے ایک جماعت اپنے رب کے ساتھ شرک کرنے لگتی ہے.

تاکہ وه اس چیز کی ناشکری کریں جو ہم نے انہیں دی ہے¹ اچھا تم فائده اٹھا لو! ابھی ابھی تمہیں معلوم ہو جائے گا.

کیا ہم نے ان پر کوئی دلیل نازل کی ہے جو اسے بیان کرتی ہے جسے یہ اللہ کے ساتھ شریک کر رہے ہیں.¹

اور جب ہم لوگوں کو رحمت کا مزه چکھاتے ہیں تو وه خوب خوش ہو جاتے ہیں اور اگر انہیں ان کے ہاتھوں کے کرتوت کی وجہ سے کوئی برائی پہنچے تو ایک دم وه محض ناامید ہو جاتے ہیں.¹

کیا انہوں نے نہیں دیکھا کہ اللہ تعالیٰ جسے چاہے کشاده روزی دیتا ہے اور جسے چاہے تنگ¹، اس میں بھی ان لوگوں کے لئے جو ایمان ﻻتے ہیں نشانیاں ہیں.

پس قرابت دار کو مسکین کو مسافر کو ہر ایک کو اس کا حق دیجئے¹، یہ ان کے لئے بہتر ہے جو اللہ تعالیٰ کا منھ دیکھنا چاہتے ہوں²، ایسے ہی لوگ نجات پانے والے ہیں.

تم جو سود پر دیتے ہو کہ لوگوں کے مال میں بڑھتا رہے وه اللہ تعالیٰ کے ہاں نہیں بڑھتا¹۔ اور جو کچھ صدقہ زکوٰة تم اللہ تعالیٰ کا منھ دیکھنے (اورخوشنودی کے لئے) دو تو ایسے لوگ ہی اپنا دو چند کرنے والے ہیں.²

اللہ تعالیٰ وه ہے جس نے تمہیں پیدا کیا پھر روزی دی پھر مار ڈالے گا پھر زنده کر دے گا بتاؤ تمہارے شریکوں میں سے کوئی بھی ایسا ہے جو ان میں سے کچھ بھی کر سکتا ہو۔ اللہ تعالیٰ کے لئے پاکی اور برتری ہے ہر اس شریک سے جو یہ لوگ مقرر کرتے ہیں.

خشکی اور تری میں لوگوں کی بداعمالیوں کے باعﺚ فساد پھیل گیا۔ اس لئے کہ انہیں ان کے بعض کرتوتوں کا پھل اللہ تعالیٰ چکھا دے (بہت) ممکن ہے کہ وه باز آجائیں.¹

زمین میں چل پھر کر دیکھو تو سہی کہ اگلوں کا انجام کیا ہوا۔ جن میں اکثر لوگ مشرک تھے.¹

پس آپ اپنا رخ اس سچے اور سیدھے دین کی طرف ہی رکھیں قبل اس کے کہ وه دن آجائے جس کا ٹل جانا اللہ تعالیٰ کی طرف سے ہے ہی نہیں¹، اس دن سب متفرق² ہو جائیں گے.

کفر کرنے والوں پر ان کے کفر کا وبال ہوگا اور نیک کام کرنے والے اپنی ہی آرام گاه سنوار رہے ہیں.¹

تاکہ اللہ تعالیٰ انہیں اپنے فضل سے جزا دے جو ایمان ﻻئے اور نیک¹ اعمال کیے وه کافروں کو دوست نہیں رکھتا ہے.

اس کی نشانیوں میں سے خوشخبریاں دینے والی¹ ہواؤں کو چلانا بھی ہے اس لئے کہ تمہیں اپنی رحمت سے لطف اندوز کرے²، اور اس لئے کہ اس کے حکم سے کشتیاں چلیں³، اور اس لئے کہ اس کے فضل کو تم ڈھونڈو⁴، اور اس لئے کہ تم شکر گزاری کرو.⁵

اور ہم نے آپ سے پہلے بھی اپنے رسولوں کو ان کی قوم کی طرف بھیجا وه ان کے پاس دلیلیں ﻻئے۔ پھر ہم نے گناه گاروں سے انتقام لیا۔ ہم پر مومنوں کی مدد کرنا ﻻزم ہے.¹

اللہ تعالیٰ ہوائیں چلاتا ہے وه ابر کو اٹھاتی ہیں پھر اللہ تعالیٰ اپنی منشا کے مطابق اسے آسمان میں پھیلا دیتا ہے اور اس کے ٹکڑے ٹکڑے کر دیتا ہے پھر آپ دیکھتے ہیں کہ اس کےاندر سے قطرے نکلتے ہیں، اور جنہیں اللہ چاہتا ہے ان بندوں پر پانی برساتا ہے تو وه خوش خوش ہو جاتے ہیں ¹

یقین ماننا کہ بارش ان پر برسنے سے پہلے پہلے تو وه ناامید ہو رہے تھے.

پس آپ رحمت الٰہی کے آﺛار دیکھیں کہ زمین کی موت کے بعد کس طرح اللہ تعالیٰ اسے زنده کر دیتا ہے؟ کچھ شک نہیں کہ وہی مردوں کو زنده کرنے واﻻ ہے¹، اور وه ہر ہر چیز پر قادر ہے.

اور اگر ہم باد تند چلا دیں اور یہ لوگ انہی کھیتوں کو (مرجھائی ہوئی) زرد پڑی ہوئی دیکھ لیں تو پھر اس کے بعد ناشکری کرنے لگیں.¹

بیشک آپ مردوں کو نہیں سنا سکتے¹ اور نہ بہروں کو (اپنی) آواز سنا سکتے ہیں² جب کہ وه پیٹھ پھیر کر مڑ گئے ہوں.³

اور نہ آپ اندھوں کو ان کی گمراہی سے ہدایت کرنے والے¹ ہیں آپ تو صرف ان ہی لوگوں کو سناتے ہیں جو ہماری آیتوں پر ایمان رکھتے² ہیں پس وہی اطاعت کرنے والے ہیں.³

اللہ تعالیٰ وه ہے جس نے تمہیں کمزوری کی حالت¹ میں پیدا کیا پھر اس کمزوری کے بعد توانائی² دی، پھر اس توانائی کے بعد کمزوری اور بڑھاپا دیا³ جو چاہتا ہے پیدا کرتا ہے⁴، وه سب سے پورا واقف اور سب پر پورا قادر ہے.

اور جس دن قیامت¹ برپا ہو جائے گی گناه گار لوگ قسمیں کھائیں گے کہ (دنیا میں) ایک گھڑی² کے سوا نہیں ٹھہرے، اسی طرح یہ بہکے ہوئے ہی رہے.³

اور جن لوگوں کو علم اور ایمان دیا گیا وه جواب دیں گے¹ کہ تم تو جیسا کہ کتاب اللہ میں² ہے یوم قیامت تک ٹھہرے رہے³۔ آج کا یہ دن قیامت ہی کا دن ہے لیکن تم تو یقین ہی نہیں مانتے تھے.⁴

پس اس دن ﻇالموں کو ان کا عذر بہانہ کچھ کام نہ آئے گا اور نہ ان سے توبہ اور عمل طلب کیا جائے گا.¹

بیشک ہم نےاس قرآن میں لوگوں کے سامنے کل مثالیں بیان کر دی ہیں¹۔ آپ ان کے پاس کوئی بھی نشانی ﻻئیں²، یہ کافر تو یہی کہیں گے کہ تم (بے ہوده گو) بالکل جھوٹے ہو.³

اللہ تعالیٰ ان لوگوں کے دلوں پر جو سمجھ نہیں رکھتے یوں ہی مہر کر دیتا ہے.

پس آپ صبر کریں¹ یقیناً اللہ کا وعده سچا ہے۔ آپ کو وه لوگ ہلکا (بے صبرا) نہ کریں جویقین نہیں رکھتے.

الم.¹

یہ حکمت والی کتاب کی آیتیں ہیں.

جو نیکو کاروں کے¹ لئے رہبر اور (سراسر) رحمت ہے.

جو لوگ نماز قائم کرتے ہیں اور زکوٰة ادا کرتے ہیں اور آخرت پر (کامل) یقین رکھتے ہیں.¹

یہی لوگ ہیں جو اپنے رب کی طرف سے ہدایت پر ہیں اور یہی لوگ نجات پانے والے ہیں.¹

اور بعض لوگ ایسے بھی ہیں جو لغو باتوں کو مول لیتے ہیں¹ کہ بےعلمی کے ساتھ لوگوں کو اللہ کی راه سے بہکائیں اور اسے ہنسی بنائیں²، یہی وه لوگ ہیں جن کے لئے رسوا کرنے واﻻ عذاب ہے.³

جب اس کے سامنے ہماری آیتیں تلاوت کی جاتی ہیں تو تکبر کرتا ہوا اس طرح منھ پھیر لیتا ہے گویا اس نے سنا ہی نہیں گویا کہ اس کے دونوں کانوں میں ڈاٹ لگے ہوئے ہیں¹، آپ اسے درد ناک عذاب کی خبر سنا دیجئے.

بیشک جن لوگوں نےایمان قبول کیا اور کام بھی نیک (مطابق سنت) کیے ان کے لئے نعمتوں والی جنتیں ہیں.

جہاں وه ہمیشہ رہیں گے۔ اللہ کا سچا وعده¹ ہے، وه بہت بڑی عزت وغلبہ واﻻ اور کامل حکمت واﻻ ہے.

اسی نے آسمانوں کو بغیر ستون کے پیدا کیا ہے تم انہیں دیکھ رہے¹ ہو اور اس نے زمین میں پہاڑوں کو ڈال دیا تاکہ وه تمہیں جنبش نہ دے² سکے اور ہر طرح کے جاندار زمین میں پھیلا دیئے³۔ اور ہم نے آسمان سے پانی برسا کر زمین میں ہر قسم کے نفیس جوڑے اگا دیئے.⁴

یہ ہے اللہ کی مخلوق¹ اب تم مجھے اس کے سوا دوسرے کسی کی کوئی مخلوق تو دکھاؤ² (کچھ نہیں)، بلکہ یہ ﻇالم کھلی گمراہی میں ہیں.

اور ہم نے یقیناً لقمان کو حکمت دی¹ تھی کہ تو اللہ تعالیٰ کا شکر کر² ہر شکر کرنے واﻻ اپنے ہی نفع کے لئے شکر کرتا ہے جو بھی ناشکری کرے وه جان لے کہ اللہ تعالیٰ بے نیاز اور تعریفوں واﻻ ہے.

اور جب کہ لقمان نے وعﻆ کہتے ہوئے اپنے لڑکے سے فرمایا کہ میرے پیارے بچے! اللہ کے ساتھ شریک نہ کرنا¹ بیشک شرک بڑا بھاری ﻇلم ہے.²

ہم نے انسان کو اس کے ماں باپ کے متعلق نصیحت کی¹ ہے، اس کی ماں نے دکھ پر دکھ اٹھا کر² اسے حمل میں رکھا اور اس کی دودھ چھڑائی دو برس میں ہے³ کہ تو میری اور اپنے ماں باپ کی شکر گزاری کر، (تم سب کو) میری ہی طرف لوٹ کر آنا ہے.

اور اگر وه دونوں تجھ پر اس بات کا دباؤ ڈالیں کہ تو میرے ساتھ شریک کرے جس کا تجھے علم نہ ہو تو تو ان کا کہنا نہ ماننا، ہاں دنیا میں ان کے ساتھ اچھی طرح بسر کرنا اور اس کی راه چلنا جو میری طرف جھکا ہوا¹ ہو تمہارا سب کا لوٹنا میری ہی طرف ہے تم جو کچھ کرتے ہو اس سے پھر میں تمہیں خبردار کروں گا.²

پیارے بیٹے! اگر کوئی چیز رائی کے دانے کے برابر ہو¹ پھر وه (بھی) خواه کسی چٹان میں ہو یا آسمانوں میں ہو یا زمین میں ہو اسے اللہ تعالیٰ ضرور ﻻئے گا اللہ تعالیٰ بڑا باریک بین اور خبردار ہے.

اے میرے پیارے بیٹے! تو نماز قائم رکھنا، اچھے کاموں کی نصیحت کرتے رہنا، برے کاموں سے منع کیا کرنا اور جو مصیبت تم پر آجائے صبر کرنا¹ (یقین مانو) کہ یہ بڑے تاکیدی کاموں میں سے ہے.

لوگوں کے سامنے اپنے گال نہ پھلا¹ اور زمین پر اترا کر نہ چل² کسی تکبر کرنے والے شیخی خورے کو اللہ تعالیٰ پسند نہیں فرماتا.

اپنی رفتار میں میانہ روی اختیار کر¹، اور اپنی آواز پست کر² یقیناً آوازوں میں سب سے بدتر آواز گدھوں کی آواز ہے.

کیا تم نہیں دیکھتے کہ اللہ تعالیٰ نے زمین وآسمان کی ہر چیز کو ہمارے کام میں لگا رکھا ہے¹ اور تمہیں اپنی ﻇاہری وباطنی نعمتیں بھرپور دے رکھی ہیں²، بعض لوگ اللہ کے بارے میں بغیر علم کے اور بغیر ہدایت کے اور بغیر روشن کتاب کے جھگڑا کرتے ہیں.³

اور جب ان سے کہا جاتا ہے کہ اللہ تعالیٰ کی اتاری ہوئی وحی کی تابعداری کرو تو کہتے ہیں کہ ہم نے تو جس طریق¹ پر اپنے باپ دادوں کو پایا ہے اسی کی تابعداری کریں گے، اگرچہ شیطان ان کے بڑوں کو دوزخ کےعذاب کی طرف بلاتا ہو.

اور جو (شخص) اپنے آپ کو اللہ کے تابع کردے¹ اور ہو بھی وه نیکو کار² یقیناً اس نے مضبوط کڑا تھام لیا³، تمام کاموں کا انجام اللہ کی طرف ہے.

کافروں کے کفر سے آپ رنجیده نہ ہوں¹، آخر ان سب کو لوٹنا تو ہماری جانب ہی ہے پھر ہم ان کو بتائیں گے جو انہوں نے کیا ہے، بے شک اللہ سینوں² کے بھیدوں³ تک سے واقف ہے.

ہم انہیں گو کچھ یونہی سا فائده دے دیں لیکن (بالﺂخر) ہم انہیں نہایت بیچارگی کی حالت میں سخت عذاب کی طرف ہنکا لے جائیں گے.¹

اگر آپ ان سے دریافت کریں کہ آسمان وزمین کا خالق کون ہے؟ تو یہ ضرور جواب دیں گے کہ اللہ¹، تو کہہ دیجئے کہ سب تعریفوں کے ﻻئق اللہ ہی ہے²، لیکن ان میں کے اکثر بے علم ہیں.

آسمانوں میں اور زمین میں جو کچھ ہے وه سب اللہ ہی کا ہے¹ یقیناً اللہ تعالیٰ بہت بڑا بے نیاز² اور سزاوار حمد وﺛنا ہے.³

روئے زمین کے (تمام) درختوں کے اگر قلمیں ہو جائیں اور تمام سمندروں کی سیاہی ہو اور ان کے بعد سات سمندر اور ہوں تاہم اللہ کے کلمات ختم نہیں ہو سکتے¹، بیشک اللہ تعالیٰ غالب اور باحکمت ہے.

تم سب کی پیدائش اور مرنے کے بعد جلانا ایسا ہی ہے جیسے ایک جی کا¹، بیشک اللہ تعالیٰ سننے واﻻ دیکھنے واﻻ ہے.

کیا آپ نہیں دیکھتے کہ اللہ تعالیٰ رات کو دن میں اور دن کو رات میں کھپا دیتا ہے¹، سورج چاند کو اسی نے فرماں بردار کر رکھا ہے ہر ایک مقرره وقت تک چلتا رہے²، اللہ تعالیٰ ہر اس چیز سے جو تم کرتے ہو خبردار ہے.

یہ سب (انتظامات) اس وجہ سے ہیں کہ اللہ تعالیٰ حق ہے اور اس کے سوا جن جن کو لوگ پکارتے ہیں¹ سب باطل ہیں اور یقیناً اللہ تعالیٰ بہت بلندیوں واﻻ اور بڑی شان واﻻ ہے.²

کیا تم اس پر غور نہیں کرتے کہ دریا میں کشتیاں اللہ کے فضل سے چل رہی ہیں اس لئے کہ وه تمہیں اپنی نشانیاں دکھاوے¹، یقیناً اس میں ہر ایک صبر وشکر کرنے والے² کے لئے بہت سی نشانیاں ہیں.

اور جب ان پر موجیں سائبانوں کی طرح چھا جاتی ہیں تو وه (نہایت) خلوص کے ساتھ اعتقاد کر کے اللہ تعالیٰ ہی کو پکارتے ہیں¹۔ پھر جب وه (باری تعالیٰ) انہیں نجات دے کر خشکی کی طرف پہنچاتا ہے تو کچھ ان میں سے اعتدال پر رہتے ہیں²، اور ہماری آیتوں کا انکار صرف وہی کرتے ہیں جو بدعہد اور ناشکرے ہوں.³

لوگو! اپنے رب سے ڈرو اور اس دن کا خوف کرو جس دن باپ اپنے بیٹے کو کوئی نفع نہ پہنچا سکے گا اور نہ بیٹا اپنے باپ کا ذرا سا بھی نفع کرنے واﻻ ہوگا¹ (یاد رکھو) اللہ کا وعده سچا ہے (دیکھو) تمہیں دنیا کی زندگی دھوکے میں نہ ڈالے اور نہ دھوکے باز (شیطان) تمہیں دھوکے میں ڈال دے.

بے شک اللہ تعالیٰ ہی کے پاس قیامت کا علم ہے وہی بارش نازل فرماتا ہے اور ماں کے پیٹ میں جو ہے اسے جانتا ہے۔ کوئی (بھی) نہیں جانتا کہ کل کیا (کچھ) کرے گا؟ نہ کسی کو یہ معلوم ہے کہ کس زمین میں مرے گا¹۔ (یاد رکھو) اللہ تعالیٰ ہی پورے علم واﻻ اور صحیح خبروں واﻻ ہے.

الم.

بلاشبہ اس کتاب کا اتارنا تمام جہانوں کے پروردگار کی طرف سے ہے.¹

کیا یہ کہتے ہیں کہ اس نے اسے گھڑ لیا ہے¹۔ (نہیں نہیں) بلکہ یہ تیرے رب تعالیٰ کی طرف سے حق ہے تاکہ آپ انہیں ڈرائیں جن کے پاس آپ سے پہلے کوئی ڈرانے واﻻ نہیں آیا²۔ تاکہ وه راه راست پر آجائیں.³

اللہ تعالیٰ وه ہے جس نے آسمان وزمین کو اور جو کچھ ان کے درمیان ہے سب کو چھ دن میں پیدا کر دیا پھر عرش پر قائم ہوا¹، تمہارے لئے اس کے سوا کوئی مددگار اور سفارشی نہیں²۔ کیا پھر بھی تم نصیحت حاصل نہیں کرتے.³

وه آسمان سے لے کر زمین تک (ہر) کام کی تدبیر کرتا ہے¹۔ پھر (وه کام) ایک ایسے دن میں اس کی طرف چڑھ جاتا ہے جس کا اندازه تمہاری گنتی کے ایک ہزار سال کے برابر ہے.²

یہی ہے چھپے کھلے کا جاننے واﻻ، زبردست غالب بہت ہی مہربان.

جس نے نہایت خوب بنائی جو چیز بھی بنائی¹ اور انسان کی بناوٹ مٹی سے شروع کی.²

پھر اس کی نسل ایک بے وقعت پانی کے نچوڑ سے چلائی.¹

جسے ٹھیک ٹھاک کر کے اس میں اپنی روح پھونکی¹، اسی نے تمہارے کان آنکھیں اور دل بنائے² (اس پر بھی) تم بہت ہی تھوڑا احسان مانتے ہو.³

انہوں نے کہا کیا جب ہم زمین میں مل جائیں¹ گے کیا پھر نئی پیدائش میں آجائیں گے؟ بلکہ (بات یہ ہے) کہ وه لوگ اپنے پروردگار کی ملاقات کے منکر ہیں.