۞ وَمَآأَنزَلْنَاعَلَىٰقَوْمِهِۦمِنۢبَعْدِهِۦمِنجُندٍۢمِّنَٱلسَّمَآءِوَمَاكُنَّامُنزِلِينَ٢٨

اس کے بعد ہم نے اس کی قوم پر آسمان سے کوئی لشکر نہ اتارا¹، اور نہ اس طرح ہم اتارا کرتے ہیں.²

وه تو صرف ایک زور کی چیﺦ تھی کہ یکایک وه سب کے سب بجھ بجھا گئے.¹

(ایسے) بندوں پر افسوس¹! کبھی بھی کوئی رسول ان کے پاس نہیں آیا جس کی ہنسی انہوں نے نہ اڑائی ہو.

کیا انہوں نے نہیں دیکھا کہ ان کے پہلے بہت سی قوموں کو ہم نے غارت کر دیا کہ وه ان¹ کی طرف لوٹ کر نہیں آئیں گے.

اور نہیں ہے کوئی جماعت مگر یہ کہ وه جمع ہو کر ہمارے سامنے حاضر کی جائے گی.¹

اور ان کے لئے ایک نشانی¹ (خشک) زمین ہے جس کو ہم نے زنده کر دیا اور اس سے غلہ نکالا جس میں سے وه کھاتے ہیں.

اور ہم نے اس میں کھجوروں کے اور انگور کے باغات پیدا کر دیئے¹، اور جن میں ہم نے چشمے بھی جاری کر دیئے ہیں.

تاکہ (لوگ) اس کے پھل کھائیں¹، اور اس کو ان کے ہاتھوں نے نہیں بنایا²۔ پھر کیوں شکر گزاری نہیں کرتے.

وه پاک ذات ہے جس نے ہر چیز کے جوڑے پیدا کیے خواه وه زمین کی اگائی ہوئی چیزیں ہوں، خواه خود ان کے نفوس ہوں خواه وه (چیزیں) ہوں جنہیں یہ جانتے بھی نہیں.¹

اور ان کے لئے ایک نشانی رات ہے جس سے ہم دن کو کھینچ دیتے ہیں تو وه یکایک اندھیرے میں ره جاتے ہیں.¹

اور سورج کے لئے جو مقرره راه ہے وه اسی پر چلتا رہتا ہے¹۔ یہ ہے مقرر کرده غالب، باعلم اللہ تعالیٰ کا.

اور چاند کی ہم نے منزلیں مقررکر رکھی ہیں¹، یہاں تک کہ وه لوٹ کر پرانی ٹہنی کی طرح ہو جاتا ہے.²

نہ آفتاب کی یہ مجال ہے کہ چاند کو پکڑے¹ اور نہ رات دن پرآگے بڑھ جانے والی ہے²، اور سب کے سب آسمان میں تیرتے پھرتے ہیں.³

اور ان کے لئے ایک نشانی (یہ بھی) ہے کہ ہم نے ان کی نسل کو بھری ہوئی کشتی میں سوار کیا.¹

اور ان کے لئے اسی جیسی اور چیزیں پیدا کیں جن پر یہ سوار ہوتے ہیں.¹

اور اگر ہم چاہتے تو انہیں ڈبو دیتے۔ پھر نہ تو کوئی ان کا فریاد رس ہوتا نہ وه بچائے جائیں.

لیکن ہم اپنی طرف سے رحمت کرتے ہیں اور ایک مدت تک کے لئے انہیں فائدے دے رہے ہیں.

اور ان سے جب (کبھی) کہا جاتا ہے کہ اگلے پچھلے (گناہوں) سے بچو تاکہ تم پر رحم کیا جائے.

اور ان کے پاس تو ان کے رب کی نشانیوں میں سے کوئی نشانی ایسی نہیں آئی جس سے یہ بے رخی نہ برتتے ہوں.¹

اور ان سے جب کہا جاتا ہے کہ اللہ تعالیٰ کے دیئے ہوئے میں سے کچھ خرچ کرو¹، تو یہ کفار ایمان والوں کو جواب دیتے ہیں کہ ہم انہیں کیوں کھلائیں؟ جنہیں اگر اللہ تعالیٰ چاہتا تو خود کھلا پلا دیتا²، تم تو ہو ہی کھلی گمراہی میں.³

وه کہتے ہیں کہ یہ وعده کب ہوگا، سچے ہو تو بتلاؤ.

انہیں صرف ایک سخت چیﺦ کاانتظار ہے جو انہیں آپکڑے گی اور یہ باہم لڑائی جھگڑے میں ہی ہوں گے.¹

اس وقت نہ تو یہ وصیت کر سکیں گے اور نہ اپنے اہل کی طرف لوٹ سکیں گے.

تو صور کے پھونکے جاتے ہی سب¹ کے سب اپنی قبروں سے اپنے پروردگار کی طرف (تیز تیز) چلنے لگیں گے.

کہیں گے ہائے ہائے! ہمیں ہماری خواب گاہوں سے کس نے اٹھا دیا¹۔ یہی ہے جس کا وعده رحمٰن نے دیا تھا اور رسولوں نے سچ سچ کہہ دیا تھا.

یہ نہیں ہے مگر ایک چیﺦ کہ یکایک سارے کے سارے ہمارے سامنے حاضر کر دیئے جائیں گے.

پس آج کسی شخص پر کچھ بھی ﻇلم نہ کیا جائے گا اور تمہیں نہیں بدلہ دیا جائے گا، مگر صرف ان ہی کاموں کا جو تم کیا کرتے تھے.

جنتی لوگ آج کے دن اپنے (دلچسﭗ) مشغلوں میں ہشاش بشاش ہیں.¹

وه اور ان کی بیویاں سایوں میں مسہریوں پر تکیہ لگائے بیٹھے ہوں گے.

ان کے لئے جنت میں ہر قسم کے میوے ہوں گے اور بھی جو کچھ وه طلب کریں.

مہربان پروردگار کی طرف سے انہیں سلام کہا جائے گا.¹

اے گناهگارو! آج تم الگ ہو جاؤ.¹

اے اوﻻد آدم! کیا میں نے تم سے قول قرار نہیں لیا تھا کہ تم شیطان کی عبادت نہ کرنا¹، وه تو تمہارا کھلا دشمن ہے.²

اور میری ہی عبادت کرنا¹۔ سیدھی راه یہی ہے.²

شیطان نے تو تم میں سے بہت ساری مخلوق کو بہکا دیا۔ کیا تم عقل نہیں رکھتے.¹

یہی وه دوزخ ہے جس کا تمہیں وعده دیا جاتا تھا.

اپنے کفر کا بدلہ پانے کے لئے آج اس میں داخل ہوجاؤ.¹

ہم آج کے دن ان کے منھ پر مہریں لگا دیں گے اور ان کے ہاتھ ہم سے باتیں کریں گے اور ان کے پاؤں گواہیاں دیں گے، ان کاموں کی جو وه کرتے¹ تھے.

اگر ہم چاہتے تو ان کی آنکھیں بے نور کر دیتے پھر یہ رستے کی طرف دوڑتے پھرتے لیکن انہیں کیسے دکھائی دیتا؟¹

اور اگر ہم چاہتے تو ان کی جگہ ہی پر ان کی صورتیں مسﺦ کر دیتے پھر نہ وه چل پھر سکتے اور نہ لوٹ سکتے.¹

اور جسے ہم بوڑھا کرتے ہیں اسے پیدائشی حالت کی طرف پھر الٹ دیتے¹ ہیں کیا پھر بھی وه نہیں سمجھتے.²

نہ تو ہم نے اس پیغمبر کو شعر سکھائے اور نہ یہ اس کے ﻻئق ہے۔ وه تو صرف نصیحت اور واضح قرآن ہے.¹

تاکہ وه ہر اس شخص کو آگاه کر دے جو زنده ہے، اور کافروں پر حجت ﺛابت ہو جائے.¹

کیا وه نہیں دیکھتے کہ ہم نے اپنے ہاتھوں سے بنائی¹ ہوئی چیزوں میں سے ان کے لئے چوپائے² (بھی) پیدا کر دیئے، جن کے یہ مالک ہوگئے ہیں.³

اور ان مویشیوں کو ہم نے ان کا تابع فرمان بنا دیا ہے¹ جن میں سے بعض تو ان کی سواریاں ہیں اور بعض کا گوشت کھاتے ہیں.

انہیں ان سے اور بھی بہت سے فائدے ہیں¹، اور پینے کی چیزیں۔ کیا پھر (بھی) یہ شکر ادا نہیں کریں گے؟

اور وه اللہ کے سوا دوسروں کو معبود بناتے ہیں تاکہ وه مدد کئے جائیں.¹

(حاﻻنکہ) ان میں ان کی مدد کی طاقت ہی نہیں، (لیکن) پھر بھی (مشرکین) ان کے لئے حاضر باش لشکری ہیں.¹

پس آپ کو ان کی بات غمناک نہ کرے، ہم ان کی پوشیده اور علانیہ سب باتوں کو (بخوبی) جانتے ہیں.

کیا انسان کو اتنا بھی معلوم نہیں کہ ہم نے اسے نطفے سے پیدا کیا ہے؟ پھر یکایک وہ صریح جھگڑالو بن بیٹھا.

اور اس نے ہمارے لئے مثال بیان کی اور اپنی (اصل) پیدائش کو بھول گیا، کہنے لگا ان گلی سڑی ہڈیوں کو کون زنده کر سکتا ہے؟

آپ جواب دیجئے! کہ انہیں وه زنده کرے گا جس نے انہیں اول مرتبہ پیدا کیا ہے¹، جو سب طرح کی پیدائش کا بخوبی جاننے واﻻ ہے.

وہی جس نے تمہارے لئے سبز درخت سے آگ پیدا کر دی جس سے تم یکایک آگ سلگاتے ہو.¹

جس نے آسمانوں اور زمین کو پیدا کیا ہے کیا وه ان جیسوں¹ کے پیدا کرنے پرقادر نہیں، بےشک قادر ہے۔ اور وہی تو پیدا کرنے واﻻ دانا (بینا) ہے.

وه جب کبھی کسی چیز کا اراده کرتا ہے اسے اتنا فرما دینا (کافی ہے) کہ ہو جا، وه اسی وقت ہو جاتی ہے.¹

پس پاک ہے وه اللہ جس کے ہاتھ میں ہر چیز کی بادشاہت ہے اور¹ جس کی طرف تم سب لوٹائے جاؤ گے.²

قسم ہے صف باندھنے والے (فرشتوں) کی.

پھر پوری طرح ڈانٹنے والوں کی.

پھر ذکر اللہ کی تلاوت کرنے والوں کی.

یقیناً تم سب کا معبود ایک ہی ہے.¹

آسمانوں اور زمین اور ان کے درمیان کی تمام چیزوں اور مَشرقوں کا رب وہی ہے.¹

ہم نے آسمان دنیا کو ستاروں کی زینت سے آراستہ کیا.

اور حفاﻇت کی سرکش شیطان سے.¹

عالم باﻻ کے فرشتوں (کی باتوں) کو سننے کے لئے وه کان بھی نہیں لگا سکتے، بلکہ ہر طرف سے وه مارے جاتے ہیں.

بھگانے کے لئے اور ان کے لئے دائمی عذاب ہے.

مگر جو کوئی ایک آدھ بات اچک لے بھاگے تو (فوراً ہی) اس کے پیچھے دہکتا ہوا شعلہ لگ جاتا ہے.

ان کافروں سے پوچھو تو کہ آیا ان کا پیدا کرنا زیاده دشوار ہے یا (ان کا) جنہیں ہم نے (ان کے علاوه) پیدا کیا¹؟ ہم نے (انسانوں) کو لیس دار مٹی سے پیدا کیا ہے.²

بلکہ تو تعجب کر رہا ہے اور یہ مسخرا پن کر رہے ہیں.¹

اور جب انہیں نصیحت کی جاتی ہے یہ نہیں مانتے.

اور جب کسی معجزے کو دیکھتے ہیں تو مذاق اڑاتے ہیں.

اور کہتے ہیں کہ یہ تو بالکل کھلم کھلا جادو ہی ہے.¹

کیا جب ہم مر جائیں گے اور خاک اور ہڈی ہو جائیں گے پھر کیا (سچ مچ) ہم اٹھائے جائیں گے؟

کیا ہم سے پہلے کے ہمارے باپ دادا بھی؟

آپ جواب دیجئے! کہ ہاں ہاں اور تم ذلیل (بھی) ہوں گے.¹

وه تو صرف ایک زور کی جھڑکی ہے¹ کہ یکایک یہ دیکھنے لگیں گے.²

اور کہیں گے کہ ہائے ہماری خرابی یہی جزا (سزا) کا دن ہے.

یہی فیصلہ کا دن ہے جسے تم جھٹلاتے رہے.¹

ﻇالموں کو¹ اور ان کے ہمراہیوں کو² اور (جن) جن کی وه اللہ کے علاوه پرستش کرتے تھے.³

(ان سب کو) جمع کرکے انہیں دوزخ کی راه دکھا دو.

اور انہیں ٹھہرا لو¹، (اس لئے) کہ ان سے (ضروری) سوال کیے جانے والے ہیں.

تمہیں کیا ہو گیا ہے کہ (اس وقت) تم ایک دوسرے کی مدد نہیں کرتے.

بلکہ وه (سب کے سب) آج فرمانبردار بن گئے.

وه ایک دوسرے کی طرف متوجہ ہو کر سوال وجواب کرنے لگیں گے.

کہیں گے کہ تم تو ہمارے پاس ہماری دائیں طرف سے آتے تھے.¹

وه جواب دیں گے کہ نہیں بلکہ تم ہی ایمان والے نہ تھے.¹

اور کچھ ہمارا زور تو تم پر تھا (ہی) نہیں۔ بلکہ تم (خود) سرکش لوگ تھے.¹

اب تو ہم (سب) پر ہمارے رب کی یہ بات ﺛابت ہو چکی کہ ہم (عذاب) چکھنے والے ہیں.

پس ہم نے تمہیں گمراه کیا ہم تو خود بھی گمراه ہی تھے.¹

سو اب آج کے دن تو (سب کے سب) عذاب میں شریک ہیں.¹

ہم گناه گاروں کے ساتھ اسی طرح کیا کرتے ہیں.¹

یہ وه (لوگ) ہیں کہ جب ان سے کہا جاتا ہے کہ اللہ کے سوا کوئی معبود نہیں تو یہ سرکشی کرتے تھے.¹

اور کہتے تھے کہ کیا ہم اپنے معبودوں کو ایک دیوانے شاعر کی بات پر چھوڑ دیں؟¹

(نہیں نہیں) بلکہ (نبی) تو حق (سچا دین) ﻻئے ہیں اور سب رسولوں کو سچا جانتے ہیں.¹

یقیناً تم دردناک عذاب (کا مزه) چکھنے والے ہو.

تمہیں اسی کا بدلہ دیا جائے گا جو تم کرتے تھے.¹

مگر اللہ تعالیٰ کے خالص برگزیده بندے.¹

انہیں کے لئے مقرره روزی ہے.

(ہر طرح کے) میوے، اور وه باعزت واکرام ہوں گے.

نعمتوں والی جنتوں میں.

تختوں پر ایک دوسرے کے سامنے (بیٹھے) ہوں گے.

جاری شراب کے جام کا ان پر دور چل رہا ہوگا.¹

جو صاف شفاف اور پینے میں لذیذ ہوگی.¹

نہ اس سے درد سر ہو اور نہ اس کے پینے سے بہکیں.¹

اور ان کے پاس نیچی نظروں، بڑی بڑی آنکھوں والی (حوریں) ہوں گی.¹

ایسی جیسے چھپائے ہوئے انڈے.¹

(جنتی) ایک دوسرے کی طرف رخ کرکے پوچھیں گے.¹

ان میں سے ایک کہنے واﻻ کہے گا کہ میرا ایک ساتھی تھا.

جو (مجھ سے) کہا کرتا تھا کہ کیا تو (قیامت کے آنے کا) یقین کرنے والوں میں سے ہے؟¹

کیا جب کہ ہم مر کر مٹی اور ہڈی ہو جائیں گے کیا اس وقت ہم جزا دیئے جانے والے ہیں؟¹

کہے گا تم چاہتے ہو کہ جھانک کر دیکھ لو؟¹

جھانکتے ہی اسے بیچوں بیچ جہنم میں (جلتا ہوا) دیکھے گا.

کہے گا واللہ! قریب تھا کہ تو مجھے (بھی) برباد کر دے.

اگر میرے رب کا احسان نہ ہوتا تو میں بھی دوزخ میں حاضر کئے جانے والوں میں ہوتا.¹

کیا (یہ صحیح ہے) کہ ہم مرنے والے ہی نہیں؟¹

بجز پہلی ایک موت¹ کے، اور نہ ہم عذاب کیے جانے والے ہیں.

پھر تو (ﻇاہر بات ہے کہ) یہ بڑی کامیابی ہے.¹

ایسی (کامیابی) کے لئے عمل کرنے والوں کو عمل کرنا چاہئے.¹

کیا یہ مہمانی اچھی ہے یا سینڈھ (زقوم) کا درخت؟¹

جسے ہم نے ﻇالموں کے لئے سخت آزمائش بنا رکھا ہے.¹

بے شک وه درخت جہنم کی جڑ میں سے نکلتا ہے.¹

جس کے خوشے شیطانوں کے سروں جیسے ہوتے ہیں.¹

(جہنمی) اسی درخت سے کھائیں گے اور اسی سے پیٹ بھریں گے.¹

پھر اس پر گرم جلتے جلتے پانی کی ملونی ہوگی.¹

پھر ان سب کا لوٹنا جہنم کی (آگ کے ڈھیرکی) طرف ہوگا.¹

یقین مانو! کہ انہوں نے اپنے باپ دادا کو بہکا ہوا پایا.

اور یہ انہی کے نشان قدم پر دوڑتے رہے.¹

ان سے پہلے بھی بہت سے اگلے بہک چکے ہیں.¹

جن میں ہم نے ڈرانے والے (رسول) بھیجے تھے.¹

اب تو دیکھ لے کہ جنہیں دھمکایا گیا تھا ان کا انجام کیسا کچھ ہوا.

سوائے اللہ کے برگزیده بندوں کے.¹

اور ہمیں نوح (علیہ السلام) نے پکارا تو (دیکھ لو) ہم کیسے اچھے دعا قبول کرنے والے ہیں.¹

ہم نے اسے اور اس کے گھر والوں کو¹ اس زبردست مصیبت سے بچا لیا.

اور اس کی اوﻻد کو ہم نے باقی رہنے والی بنا دی.¹

اور ہم نے اس کا (ذکر خیر) پچھلوں میں باقی رکھا.¹

نوح (علیہ السلام) پر تمام جہانوں میں سلام ہو

ہم نیکی کرنے والوں کو اسی طرح بدلہ دیتے ہیں.¹

وه ہمارے ایمان والے بندوں میں سے تھا.

پھر ہم نے دوسروں کو ڈبو دیا.

اور اس (نوح علیہ السلام کی) تابعداری کرنے والوں میں سے (ہی) ابراہیم (علیہ السلام بھی) تھے.¹

جبکہ اپنے رب کے پاس بے عیب دل ﻻئے.

انہوں نے اپنے باپ اور اپنی قوم سے کہا کہ تم کیا پوج رہے ہو؟

کیا تم اللہ کے سوا گھڑے ہوئے معبود چاہتے ہو؟¹

تو یہ (بتلاؤ کہ) تم نے رب العالمین کو کیا سمجھ رکھا ہے؟¹

اب ابراہیم (علیہ السلام) نے ایک نگاه ستاروں کی طرف اٹھائی.

اور کہا میں تو بیمار ہوں.¹

اس پر وه سب اس سے منھ موڑے ہوئے واپس چلے گئے.

آپ (چﭗ چپاتے) ان کے معبودوں کے پاس گئے اور فرمانے لگے تم کھاتے کیوں نہیں؟¹

تمہیں کیا ہو گیا کہ بات تک نہیں کرتے ہو.

پھر تو (پوری قوت کے ساتھ) دائیں ہاتھ سے انہیں مارنے پر پل پڑے.¹

وه (بت پرست) دوڑے بھاگے آپ کی طرف متوجہ¹ ہوئے.

تو آپ نے فرمایا تم انہیں پوجتے ہو جنہیں (خود) تم تراشتے ہو.

حاﻻنکہ تمہیں اور تمہاری بنائی ہوئی چیزوں کو اللہ ہی نے پیدا کیا ہے.¹

وه کہنے لگے اس کے لئے ایک مکان بناؤ اور اس (دہکتی ہوئی) آگ میں اسے ڈال دو.

انہوں نے تو اس (ابراہیم علیہ السلام) کے ساتھ مکر کرنا چاہا لیکن ہم نے انہی کو نیچا کر دیا.¹

اور اس (ابراہیم علیہ السلام) نے کہا میں تو ہجرت کر کے اپنے پروردگار کی طرف جانے واﻻ ہوں¹۔ وه ضرور میری رہنمائی کرے گا.

اے میرے رب! مجھے نیک بخت اوﻻد عطا فرما.

تو ہم نے اسے ایک بردبار بچے کی بشارت دی.¹

پھر جب وه (بچہ) اتنی عمر کو پہنچا کہ اس کے ساتھ چلے پھرے¹، تو اس (ابراہیم علیہ السلام) نے کہا میرے پیارے بچے! میں خواب میں اپنے آپ کو تجھے ذبح کرتے ہوئے دیکھ رہا ہوں۔ اب تو بتا کہ تیری کیا رائے ہے²؟ بیٹے نے جواب دیا کہ ابا! جو حکم ہوا ہے اسے بجا ﻻئیے انشاءاللہ آپ مجھے صبر کرنے والوں میں سے پائیں گے.

غرض جب دونوں مطیع ہوگئے اور اس نے (باپ نے) اس کو (بیٹے کو) پیشانی¹ کے بل گرا دیا.

تو ہم نے آواز دی کہ اے ابراہیم!

یقیناً تو نے اپنے خواب کو سچا کر دکھایا¹، بیشک ہم نیکی کرنے والوں کو اسی طرح جزا دیتے ہیں.

درحقیقت یہ کھلا امتحان تھا.¹

اور ہم نے ایک بڑا ذبیحہ اس کے فدیہ میں دے دیا.¹

اور ہم نے ان کا ذکر خیر پچھلوں میں باقی رکھا.

ابراہیم (علیہ السلام) پر سلام ہو.

ہم نیکو کاروں کو اسی طرح بدلہ دیتے ہیں.

بیشک وه ہمارے ایمان دار بندوں میں سے تھا.

اور ہم نے اس کو اسحاق (علیہ السلام) نبی کی بشارت دی جو صالح لوگوں میں سے ہوگا.¹

اور ہم نے ابراہیم واسحاق (علیہ السلام) پر برکتیں نازل فرمائیں¹، اور ان دونوں کی اوﻻد میں بعضے تو نیک بخت ہیں اور بعض اپنے نفس پر صریح ﻇلم کرنے والے ہیں.²

یقیناً ہم نے موسیٰ اور ہارون (علیہ السلام) پر بڑا احسان کیا.¹

اور انہیں اور ان کی قوم کو بہت بڑے دکھ درد سے نجات دے دی.¹

اور ان کی مدد کی تو وہی غالب رہے.

اور ہم نے انہیں (واضح اور) روشن کتاب دی.

اور انہیں سیدھے راستہ پرقائم رکھا.