تَبَـٰرَكَٱلَّذِىبِيَدِهِٱلْمُلْكُوَهُوَعَلَىٰكُلِّشَىْءٍۢقَدِيرٌ١

بہت بابرکت ہے وه (اللہ) جس کے ہاتھ میں بادشاہی ہے¹ اور جو ہر چیز پر قدرت رکھنے واﻻ ہے.

جس نے موت اور حیات کو اس لیے پیدا کیاکہ تمہیں آزمائے کہ تم میں سے اچھے کام کون کرتا ہے¹، اور وه غالب (اور) بخشنے واﻻ ہے.

جس نے سات آسمان اوپر تلے بنائے۔ (تو اے دیکھنے والے) اللہ رحمٰن کی پیدائش میں کوئی بے ضابطگی نہ دیکھے گا¹، دوباره (نظریں ڈال کر) دیکھ لے کیا کوئی شگاف بھی نظر آرہا ہے.²

پھر دوہرا کر دو دو بار دیکھ لے تیری نگاه تیری طرف ذلیل (و عاجز) ہو کر تھکی ہوئی لوٹ آئے گی.¹

بیشک ہم نے آسمان دنیا کو چراغوں (ستاروں) سے آراستہ کیا اور انہیں شیطانوں کے مارنے کا ذریعہ¹ بنا دیا اور شیطانوں کے لیے ہم نے (دوزخ کا جلانے واﻻ) عذاب تیار کر دیا.

اور اپنے رب کے ساتھ کفر کرنے والوں کے لیے جہنم کا عذاب ہے اور وه کیا ہی بری جگہ ہے.

جب اس میں یہ ڈالے جائیں گے تو اس کی بڑے زور کی آواز سنیں گے اور وه جوش مار رہی ہوگی.¹

قریب ہے کہ (ابھی) غصے کے مارے پھٹ جائے¹، جب کبھی اس میں کوئی گروه ڈاﻻ جائے گا اس سے جہنم کے داروغے پوچھیں گے کہ کیا تمہارے پاس ڈرانے واﻻ کوئی نہیں آیا تھا؟²

وه جواب دیں گے کہ بیشک آیا تھا لیکن ہم نے اسے جھٹلایا اور ہم نے کہا کہ اللہ تعالیٰ نےکچھ بھی نازل نہیں فرمایا۔ تم بہت بڑی گمراہی میں ہی ہو.¹

اور کہیں گے اگر ہم سنتے ہوتے یا عقل رکھتے ہوتے تو دوزخیوں میں (شریک) نہ ہوتے.¹

پس انہوں نے اپنے جرم کا اقبال کر لیا¹۔ اب یہ دوزخی دفع ہوں (دور ہوں).²

بیشک جو لوگ اپنے پروردگار سےغائبانہ طور پر ڈرتے رہتے ہیں ان کے لیے بخشش ہے اور بڑا ﺛواب ہے.¹

تم اپنی باتوں کو چھپاؤ یا ﻇاہر کرو¹ وه تو سینوں کی پوشیدگی کو بھی بخوبی جانتا ہے.²

کیا وہی نہ جانے جس نے پیدا کیا¹؟ پھر وه باریک بین اور باخبر بھی ہو.²

وه ذات جس نے تمہارے لیے زمین کو پست ومطیع کردیا¹ تاکہ تم اس کی راہوں میں چلتے پھرتے رہو² اور اللہ کی روزیاں کھاؤ (پیو³) اسی کی طرف (تمہیں) جی کر اٹھ کھڑا ہونا ہے.

کیا تم اس بات سے بے خوف ہوگئے ہو کہ آسمانوں واﻻ تمہیں زمین میں دھنسا دے اور اچانک زمین لرزنے لگے.¹

یا کیا تم اس بات سے نڈر ہوگئے ہو کہ آسمانوں واﻻ تم پر پتھر برسادے¹؟ پھر تو تمہیں معلوم ہو ہی جائے گا کہ میرا ڈرانا کیسا تھا.²

اوران سے پہلے لوگوں نے بھی جھٹلایا تھا تو دیکھو ان پر میرا عذاب کیسا کچھ ہوا؟

کیا یہ اپنے اوپر پر کھولے ہوئے اور (کبھی کبھی) سمیٹے ہوئے (اڑنے والے) پرندوں کو نہیں دیکھتے¹، انہیں (اللہ) رحمٰن ہی (ہوا وفضا میں) تھامے ہوئے ہے²۔ بیشک ہر چیز اس کی نگاه میں ہے.³

سوائے اللہ کے تمہارا وه کون سا لشکر ہے جو تمہاری مدد کرسکے¹ کافر تو سراسر دھوکے ہی میں ہیں.²

اگر اللہ تعالیٰ اپنی روزی روک لے تو بتاؤ کون ہے جو پھر تمہیں روزی دے گا¹؟ بلکہ (کافر) تو سرکشی اور بدکنے پر اڑگئے ہیں.²

اچھا وه شخص زیاده ہدایت واﻻ ہے جو اپنے منھ کے بل اوندھا ہو کر چلے¹ یا وه جو سیدھا (پیروں کے بل) راه راست پر چلا ہو؟²

کہہ دیجئے کہ وہی (اللہ) ہے جس نے تمہیں پیدا کیا¹ اور تمہارے کان آنکھیں اور دل بنائے² تم بہت ہی کم شکر گزاری کرتے ہو.³

کہہ دیجئے! کہ وہی ہے جس نے تمہیں زمین میں پھیلا دیا اور اس کی طرف سے تم اکٹھے کیے جاؤ گے.¹

(کافر) پوچھتے ہیں کہ وه وعده کب ﻇاہر ہوگا اگر تم سچے ہو (تو بتاؤ؟)¹

آپ کہہ دیجئے کہ اس کا علم تو اللہ ہی کو ہے¹، میں تو صرف کھلے طور پر آگاه کر دینے واﻻ ہوں.²

جب یہ لوگ اس¹ وعدے کو قریب تر پالیں گے اس وقت ان کافروں کے چہرے بگڑ جائیں گے² اور کہہ دیا جائے گا کہ یہی ہے جسے تم طلب کیا کرتے تھے.³

آپ کہہ دیجئے! اچھا اگر مجھے اور میرے ساتھیوں کو اللہ تعالیٰ ہلاک کردے یا ہم پر رحم کرے (بہر صورت یہ تو بتاؤ) کہ کافروں کو دردناک عذاب سے کون بچائے گا؟¹

آپ کہہ دیجئے! کہ وہی رحمٰن ہے ہم تو اس پر ایمان ﻻچکے¹ اور اسی پر ہمارا بھروسہ ہے²۔ تمہیں عنقریب معلوم ہو جائے گا کہ صریح گمراہی میں کون ہے؟³

آپ کہہ دیجئے! کہ اچھا یہ تو بتاؤ کہ اگر تمہارے (پینے کا) پانی زمین میں اتر جائے تو کون ہے جو تمہارے لیے نتھرا ہوا پانی ﻻئے؟¹

ن¹، قسم ہے قلم کی اور² اس کی جو کچھ کہ وه (فرشتے) لکھتے ہیں.³

تو اپنے رب کے فضل سے دیوانہ نہیں ہے.¹

اور بے شک تیرے لیے بے انتہا اجر ہے.*

اور بیشک تو بہت بڑے (عمده) اخلاق پر ہے.¹

پس اب تو بھی دیکھ لے گا اور یہ بھی دیکھ لیں گے.¹

کہ تم میں سے کون فتنہ میں پڑا ہوا ہے.

بیشک تیرا رب اپنی راه سے بہکنے والوں کو خوب جانتا ہے، اور وه راه یافتہ لوگوں کو بھی بخوبی جانتا ہے.

پس تو جھٹلانے والوں کی نہ مان.¹

وه تو چاہتے ہیں کہ تو ذرا ڈھیلا ہو تو یہ بھی ڈھیلے پڑ جائیں.¹

اور تو کسی ایسے شخص کا بھی کہا نہ ماننا جو زیاده قسمیں کھانے واﻻ.

بے وقار، کمینہ، عیب گو، چغل خور.

بھلائی سے روکنے واﻻ حد سے بڑھ جانے واﻻ گنہگار.

گردن کش پھر ساتھ ہی بے نسب ہو.¹

اس کی سرکشی صرف اس لیے ہے کہ وه مال واﻻ اور بیٹوں واﻻ ہے.¹

جب اس کے سامنے ہماری آیتیں پڑھی جاتی ہیں تو کہہ دیتا ہے کہ یہ تو اگلوں کے قصے ہیں.

ہم بھی اس کی سونڈ (ناک) پر داغ دیں گے.¹

بیشک ہم نے انہیں اسی طرح آزما لیا¹ جس طرح ہم نے باغ والوں کو² آزمایا تھا جبکہ انہوں نے قسمیں کھائیں کہ صبح ہوتے ہی اس باغ کے پھل اتار لیں گے.³

اور انشاءاللہ نہ کہا.

پس اس پر تیرے رب کی جانب سے ایک بلا چاروں طرف گھوم گئی اور یہ سو ہی رہے تھے.¹

پس وه باغ ایسا ہو گیا جیسے کٹی ہوئی کھیتی.¹

اب صبح ہوتے ہی انہوں نے ایک دوسرے کو آوازیں دیں.

کہ اگر تمہیں پھل اتارنے ہیں تو اپنی کھیتی پر سویرے ہی سویرے چل پڑو.

پھر یہ سب چپکے چپکے یہ باتیں کرتے ہوئے چلے.¹

کہ آج کے دن کوئی مسکین تمہارے پاس نہ آنے پائے.*

اور لپکے ہوئے صبح صبح گئے۔ (سمجھ رہے تھے) کہ ہم قابو پاگئے.¹

جب انہوں نے باغ دیکھا¹ تو کہنے لگے یقیناً ہم راستہ² بھول گئے.

نہیں نہیں بلکہ ہماری قسمت پھوٹ گئی.¹

ان سب میں جو بہتر تھا اس نے کہا کہ میں تم سے نہ کہتا تھا کہ تم اللہ کی پاکیزگی کیوں نہیں بیان کرتے؟¹

تو سب کہنے لگے ہمارا رب پاک ہے بیشک ہم ہی ﻇالم تھے.¹

پھر وه ایک دوسرے کی طرف رخ کر کے آپس میں ملامت کرنے لگے.

کہنے لگے ہائے افسوس! یقیناً ہم سرکش تھے.

کیا عجب ہے کہ ہمارا رب ہمیں اس سے بہتر بدلہ دے دے ہم تو اب¹ اپنے رب سے ہی آرزو رکھتے ہیں.

یوں ہی آفت آتی ہے¹ اور آخرت کی آفت بہت بڑی ہے۔ کاش انہیں سمجھ ہوتی.²

پرہیزگاروں کے لیے ان کے رب کے پاس نعمتوں والی جنتیں ہیں.

کیا ہم مسلمانوں کو مثل گناه گاروں کے کردیں گے.¹

تمہیں کیا ہوگیا، کیسے فیصلے کر رہے ہو؟

کیا تمہارے پاس کوئی کتاب¹ ہے جس میں تم پڑھتے ہو؟

کہ اس میں تمہاری من مانی باتیں ہوں؟

یا تم نے ہم سے کچھ قسمیں لی ہیں؟ جو قیامت تک باقی رہیں کہ تمہارے لیے وه سب ہے جو تم اپنی طرف سے مقرر کر لو.¹

ان سے پوچھو تو کہ ان میں سے کون اس بات کا ذمہدار (اور دعویدار) ہے؟¹

کیا ان کے کوئی شریک ہیں؟ تو چاہئے کہ اپنے اپنے شریکوں کو لے آئیں اگر یہ سچے ہیں.¹

جس دن پنڈلی کھول دی جائے گی اور سجدے کے لیے بلائے جائیں گے تو (سجده) نہ کر سکیں گے.¹

نگاہیں نیچی ہوں گی اور ان پر ذلت و خواری چھارہی ہوگی¹، حاﻻنکہ یہ سجدے کے لیے (اس وقت بھی) بلائے جاتے تھے جب کہ صحیح سالم تھے.²

پس مجھے اور اس کلام کو جھٹلانے والے کو چھوڑ دے¹ ہم انہیں اس طرح آہستہ آہستہ کھینچیں گے کہ انہیں معلوم بھی نہ ہوگا.²

اور میں انہیں ڈھیل دوں گا، بیشک میری تدبیر بڑی مضبوط ہے.¹

کیا تو ان سے کوئی اجرت چاہتا ہے جس کے تاوان سے یہ دبے جاتے ہیں.¹

یا کیا ان کے پاس علم غیب ہے جسے وه لکھتے ہوں.¹

پس تو اپنے رب کے حکم کا صبر سے (انتظار کر¹) اور مچھلی والے کی طرح نہ ہو جا جب² کہ اس نے غم کی حالت میں دعا کی.³

اگر اسے اس کے رب کی نعمت نہ پالیتی تو یقیناً وه برے حالوں میں چٹیل میدان میں ڈال دیا جاتا.¹

اسے اس کے رب نے پھر نوازا¹ اور اسے نیک کاروں میں کر دیا.²

اور قریب ہے کہ کافر اپنی تیز نگاہوں سے آپ کو پھسلا دیں¹، جب کبھی قرآن سنتے ہیں اور کہہ دیتے ہیں یہ تو ضرور دیوانہ ہے.²

در حقیقت یہ (قرآن) تو تمام جہان والوں کے لیے سراسر نصیحت ہی ہے.¹

ﺛابت ہونے والی.¹

ﺛابت ہونے والی کیا ہے؟¹

اور تجھے کیا معلوم ہے کہ وه ﺛابت شده کیا ہے؟¹

اس کھڑکا دینے والی کو ﺛمود اور عاد نے جھٹلا دیا تھا¹

(جس کے نتیجہ میں) ﺛمود تو بے حد خوفناک (اور اونچی) آواز سے ہلاک کردیئے گئے.¹

اور عاد بیحد تیز وتند ہوا سے غارت کردیئے گئے.¹

جسے ان پر لگاتار سات رات اور آٹھ دن تک (اللہ نے) مسلط رکھا¹ پس تم دیکھتے کہ یہ لوگ زمین پر اس طرح گر گئے جیسے کہ کھجور کے کھوکھلے تنے ہوں.²

کیا ان میں سے کوئی بھی تجھے باقی نظر آرہا ہے؟

فرعون اور اس سے پہلے کے لوگ اور جن کی بستیاں الٹ دی گئی¹، انہوں نے بھی خطائیں کیں.

اور اپنے رب کے رسول کی نافرمانی کی (بالﺂخر) اللہ نے انہیں (بھی) زبردست گرفت میں لے لیا.¹

جب پانی میں طغیانی آگئی¹ تو اس وقت ہم نے تمہیں کشتی میں چڑھا لیا.²

تاکہ اسے تمہارے لیے نصیحت اور یادگار بنادیں¹، اور (تاکہ) یاد رکھنے والے کان اسے یاد رکھیں.²

پس جب کہ صور میں ایک پھونک پھونکی جائے گی.¹

اور زمین اور پہاڑ اٹھا لیے جائیں¹ گے اور ایک ہی چوٹ میں ریزه ریزه کر دیے جائیں گے.

اس دن ہو پڑنے والی (قیامت) ہو پڑے گی.

اور آسمان پھٹ جائے گا اور اس دن بالکل بودا ہوجائے گا.¹

اس کے کناروں پر فرشتے ہوں گے¹، اور تیرے پروردگار کا عرش اس دن آٹھ (فرشتے) اپنے اوپر اٹھائے ہوئے ہوں گے.²

اس دن تم سب سامنے پیش کیے¹ جاؤ گے، تمہارا کوئی بھید پوشیده نہ رہے گا.

سو جسے اس کا نامہٴ اعمال اس کے دائیں ہاتھ میں دیا جائے گا تو وه کہنے لگے گا¹ کہ لو میرا نامہٴ اعمال پڑھو.²

مجھے تو کامل یقین تھا کہ مجھے اپنا حساب ملنا ہے.¹

پس وه ایک دل پسند زندگی میں ہوگا.

بلند وباﻻ جنت میں.¹

جس کے میوے جھکے پڑے ہوں گے.¹

(ان سے کہا جائے گا) کہ مزے سے کھاؤ، پیو اپنے ان اعمال کے بدلے جو تم نے گزشتہ زمانے میں کیے.¹

لیکن جسے اس (کے اعمال) کی کتاب اس کے بائیں ہاتھ میں دی جائے گی، وه تو کہے گا کہ کاش کہ مجھے میری کتاب دی ہی نہ جاتی.¹

اور میں جانتا ہی نہ کہ حساب کیا ہے.¹

کاش! کہ موت (میرا) کام ہی تمام کر دیتی.¹

میرے مال نے بھی مجھے کچھ نفع نہ دیا.

میرا غلبہ بھی مجھ سے جاتا رہا.¹

(حکم ہوگا) اسے پکڑ لو پھر اسے طوق پہنادو.

پھر اسے دوزخ میں ڈال دو.¹

پھر اسے ایسی زنجیر میں جس کی پیمائش ستر ہاتھ کی ہے جکڑ دو.¹

بیشک یہ اللہ عظمت والے پرایمان نہ رکھتا تھا.¹

اور مسکین کے کھلانے پر رغبت نہ دﻻتا تھا.¹

پس آج اس کا نہ کوئی دوست ہے.

اور نہ سوائے پیﭗ کے اس کی کوئی غذا ہے.¹

جسے گناه گاروں کے سوا کوئی نہیں کھائے گا.¹

پس مجھے قسم ہے ان چیزوں کی جنہیں تم دیکھتے ہو.

اور ان چیزوں کی جنہیں تم نہیں دیکھتے.¹

کہ بیشک یہ (قرآن) بزرگ رسول کا قول ہے.¹

یہ کسی شاعر کا قول نہیں¹ (افسوس) تمہیں بہت کم یقین ہے.

اور نہ کسی کاہن کا قول ہے¹، (افسوس) بہت کم نصیحت لے رہے ہو.²

(یہ تو) رب العالمین کا اتارا ہوا ہے.¹

اور اگر یہ ہم پر کوئی بھی بات بنا لیتا.¹

تو البتہ ہم اس کا داہنا ہاتھ پکڑ لیتے.¹

پھر اس کی شہ رگ کاٹ دیتے.¹

پھر تم میں سے کوئی بھی مجھے اس سے روکنے واﻻ نہ ہوتا.¹

یقیناً یہ قرآن پرہیزگاروں کے لیے نصیحت ہے.¹

ہمیں پوری طرح معلوم ہے کہ تم میں سے بعض اس کے جھٹلانے والے ہیں.

بیشک (یہ جھٹلانا) کافروں پر حسرت ہے.¹

اور بیشک (و شبہ) یہ یقینی حق ہے.¹

پس تو اپنے رب عظیم کی پاکی بیان کر.¹

ایک سوال کرنے والے¹ نے اس عذاب کا سوال کیا جو واضح ہونے واﻻ ہے.

کافروں پر، جسے کوئی ہٹانے واﻻ نہیں.

اس اللہ کی طرف سے جو سیڑھیوں واﻻ ہے.¹

جس کی طرف فرشتے اور روح چڑھتے ہیں¹ ایک دن میں جس کی مقدار پچاس ہزار سال کی ہے.²

پس تو اچھی طرح صبر کر.

بیشک یہ اس (عذاب) کو دور سمجھ رہے ہیں. ¹

اور ہم اسے قریب ہی دیکھتے ہیں.¹

جس دن آسمان مثل تیل کی تلچھٹ کے ہو جائے گا.*

اور پہاڑ مثل رنگین اون کے ہو جائیں گے.¹

اور کوئی دوست کسی دوست کو نہ پوچھے گا.

(حاﻻنکہ) ایک دوسرے کو دکھا دیئے جائیں گے¹، گناهگار اس دن کے عذاب کے بدلے فدیے میں اپنے بیٹوں کو.

اپنی بیوی کو اور اپنے بھائی کو.

اور اپنے کنبے کو جو اسے پناه دیتا تھا.

اور روئے زمین کے سب لوگوں کو دینا چاہے گا تاکہ یہ اسے نجات دﻻ دے.¹

(مگر) ہرگز یہ نہ ہوگا، یقیناً وه شعلہ والی (آگ) ہے.¹

جو منھ اور سر کی کھال کھینچ ﻻنے والی ہے.¹

وه ہر اس شخص کو پکارے گی جو پیچھے ہٹتا اور منھ موڑتا ہے.

اور جمع کرکے سنبھال رکھتا ہے.¹

بیشک انسان بڑے کچے دل واﻻ بنایا گیا ہے.¹

جب اسے مصیبت پہنچتی ہے تو ہڑبڑا اٹھتا ہے.

اور جب راحت ملتی ہے تو بخل کرنے لگتا ہے.

مگر وه نمازی.

جو اپنی نماز پر ہمیشگی کرنے والے ہیں.¹

اور جن کے مالوں میں مقرره حصہ ہے.¹

مانگنے والوں کا بھی اور سوال سے بچنے والوں کا بھی.¹

اور جو انصاف کے دن پر یقین رکھتے ہیں.¹

اور جو اپنے رب کے عذاب سے ڈرتے رہتے ہیں.¹

بیشک ان کے رب کا عذاب بے خوف ہونے کی چیز نہیں.¹

اور جو لوگ اپنی شرم گاہوں کی (حرام سے) حفاﻇت کرتے ہیں.

ہاں ان کی بیویوں اور لونڈیوں کے بارے میں جن کے وه مالک ہیں انہیں کوئی ملامت نہیں.¹

اب جو کوئی اس کے علاوه (راه) ڈھونڈے گا توایسے لوگ حد سے گزر جانے والے ہوں گے.

اور جو اپنی امانتوں کا اور اپنے قول و قرار کا پاس رکھتے ہیں.¹

اور جو اپنی گواہیوں پر سیدھے اور قائم رہتے ہیں.¹

اور جو اپنی نمازوں کی حفاﻇت کرتے ہیں.

یہی لوگ جنتوں میں عزت والے ہوں گے.

پس کافروں کو کیاہو گیا ہے کہ وه تیری طرف دوڑتے آتے ہیں.

دائیں اور بائیں سے گروه کے گروه..¹

کیا ان میں سے ہر ایک کی توقع یہ ہے کہ وه نعمتوں والی جنت میں داخل کیا جائے گا؟

(ایسا) ہرگز نہ ہوگا¹۔ ہم نے انہیں اس (چیز) سے پیدا کیا ہے جسے وه جانتے ہیں.²

پس مجھے قسم ہے مشرقوں اور مغربوں¹ کے رب کی (کہ) ہم یقیناً قادر ہیں.

اس پر کہ ان کے عوض ان سے اچھے لوگ لے آئیں¹ اور ہم عاجز نہیں ہیں.²