عَمَّيَتَسَآءَلُونَ١

یہ لوگ کس چیز کے بارے میں پوچھ گچھ کر رہے ہیں.¹

اس بڑی خبر کے متعلق.

جس کے بارے میں یہ اختلاف کر رہے ہیں.¹

یقیناً یہ عنقریب جان لیں گے.*

پھر بالیقین انہیں بہت جلد معلوم ہو جائے گا.¹

کیا ہم نے زمین کو فرش نہیں بنایا؟¹

اور پہاڑوں کو میخیں (نہیں بنایا؟)¹

اور ہم نے تمہیں جوڑا جوڑا پیدا کیا.¹

اور ہم نے تمہاری نیند کو آرام کا سبب بنایا.¹

اور رات کو ہم نے پرده بنایا.¹

اور دن کو ہم نے وقت روزگار بنایا.¹

اور تمہارے اوپر ہم نے سات مضبوط آسمان بنائے.¹

اور ایک روشن چراغ (سورج) بنایا.¹

اور بدلیوں سے ہم نے بکثرت بہتا ہوا پانی برسایا.¹

تاکہ اس سے اناج اور سبزه اگائیں.¹

اور گھنے باغ (بھی اگائیں).¹

بیشک فیصلہ کے دن کا وقت مقرر ہے.¹

جس دن کہ صور میں پھونکا جائے گا۔ پھر تم فوج در فوج چلے آؤ گے.¹

اور آسمان کھول دیا جائے گا تو اس میں دروازے ہی دروازے ہو جائیں گے.¹

اور پہاڑ چلائے جائیں گے پس وه سراب ہو جائیں گے.¹

بیشک دوزخ گھات میں ہے.¹

سرکشوں کا ٹھکانہ وہی ہے.

اس میں وه مدتوں تک پڑے رہیں گے.¹

نہ کبھی اس میں خنکی کا مزه چکھیں گے، نہ پانی کا.

سوائے گرم پانی اور (بہتی) پیپ کے.¹

(ان کو) پورا پورا بدلہ ملے گا.¹

انہیں تو حساب کی توقع ہی نہ تھی.¹

اور بے باکی سے ہماری آیتوں کی تکذیب کرتے تھے.

ہم نے ہر ایک چیز کو لکھ کر شمار کر رکھا ہے.¹

اب تم (اپنے کیے کا) مزه چکھو ہم تمہارا عذاب ہی بڑھاتے رہیں گے.¹

یقیناً پرہیزگار لوگوں کے لئے کامیابی ہے.¹

باغات ہیں اور انگور ہیں.¹

اور نوجوان کنواری ہم عمر عورتیں ہیں.¹

اور چھلکتے ہوئے جام ہیں.¹

وہاں نہ تو وه بیہوده باتیں سنیں گے اور نہ جھوٹی باتیں سنیں گے.¹

(ان کو) تیرے رب کی طرف سے (ان کے نیک اعمال کا)یہ بدلہ ملے گا جو کافی انعام ہوگا.¹

(اس رب کی طرف سے ملے گا جو کہ) آسمانوں کا اور زمین کا اور جو کچھ ان کے درمیان ہے ان کا پروردگار ہے اور بڑی بخشش کرنے واﻻ ہے۔ کسی کو اس سے بات چیت کرنے کا اختیار نہیں ہوگا.¹

جس دن روح اور فرشتے صفیں باندھ کر کھڑے ہوں گے¹ تو کوئی کلام نہ کر سکے گا مگر جسے رحمٰن اجازت دے دے اور وه ٹھیک بات زبان سے نکالے.²

یہ دن حق ہے¹ اب جو چاہے اپنے رب کے پاس (نیک اعمال کر کے) ٹھکانا بنالے.²

ہم نے تمہیں عنقریب آنے والے عذاب سے ڈرا دیا (اور چوکنا کر دیا) ہے¹۔ جس دن انسان اپنے ہاتھوں کی کمائی کو دیکھ لے گا² اور کافر کہے گا کہ کاش! میں مٹی ہو جاتا.³

ڈوب کر سختی سے کھینچنے والوں کی قسم!¹

بند کھول کر چھڑا دینے والوں کی قسم!¹

اور تیرنے پھرنے والوں کی قسم!¹

پھر دوڑ کر آگے بڑھنے والوں کی قسم!¹

پھر کام کی تدبیر کرنے والوں کی قسم!¹

جس دن کانپنے والی کانپے گی.¹

اس کے بعد ایک پیچھے آنے والی (پیچھے پیچھے) آئے گی.¹

(بہت سے) دل اس دن دھڑکتے ہوں گے.¹

جن کی نگاہیں نیچی ہوں گی.¹

کہتے ہیں کہ کیا ہم پہلی کی سی حالت کی طرف پھر لوٹائے جائیں گے؟¹

کیا اس وقت جب کہ ہم بوسیده ہڈیاں ہو جائیں گے؟¹

کہتے ہیں کہ پھر تو یہ لوٹنا نقصان ده ہے¹

(معلوم ہونا چاہئے) وه تو صرف ایک (خوفناک) ڈانٹ ہے.

کہ (جس کے ظاہر ہوتے ہی) وه ایک دم میدان میں جمع ہو جائیں گے.¹

کیا موسیٰ (علیہ السلام) کی خبر تمہیں پہنچی ہے؟

جب کہ انہیں ان کے رب نے پاک میدان طویٰ میں پکارا.¹

(کہ) تم فرعون کے پاس جاؤ اس نے سرکشی اختیار کر لی ہے.¹

اس سے کہو کہ کیا تو اپنی درستگی اور اصلاح چاہتا ہے.¹

اور یہ کہ میں تجھے تیرے رب کی راه دکھاؤں تاکہ تو (اس سے) ڈرنے لگے.¹

پس اسے بڑی نشانی دکھائی.¹

تو اس نے جھٹلایا اور نافرمانی کی.¹

پھر پلٹا دوڑ دھوپ کرتے ہوئے.¹

پھر سب کو جمع کرکے پکارا.¹

تم سب کا رب میں ہی ہوں.

تو (سب سے بلند وباﻻ) اللہ نے بھی اسے آخرت کے اور دنیا کے عذاب میں گرفتار کرلیا.¹

بیشک اس میں اس شخص کے لئے عبرت ہے جو ڈرے.¹

کیا تمہارا پیدا کرنا زیاده دشوار ہے یا آسمان کا¹؟ اللہ تعالیٰ نے اسے بنایا.

اس کی بلندی اونچی کی پھر اسے ٹھیک ٹھاک کر دیا.¹

اسکی رات کو تاریک بنایا اور اس کے دن کو نکالا.¹

اور اس کے بعد زمین کو (ہموار) بچھا دیا.¹

اس میں سے پانی اور چاره نکالا.

اور پہاڑوں کو (مضبوط) گاڑ دیا.

یہ سب تمہارے اور تمہارے جانوروں کے فائدے کے لئے (ہیں).

پس جب وه بڑی آفت (قیامت) آجائے گی.

جس دن کہ انسان اپنے کیے ہوئے کاموں کو یاد کرے گا.

اور (ہر) دیکھنے والے کے سامنے جہنم ظاہر کی جائے گی.¹

تو جس (شخص) نے سرکشی کی (ہوگی).¹

اور دنیوی زندگی کو ترجیح دی (ہوگی).¹

اس کا ٹھکانا جہنم ہی ہے.¹

ہاں جو شخص اپنے رب کے سامنے کھڑے ہونے¹ سے ڈرتا رہا ہوگا اور اپنے نفس کو خواہش سے روکا ہوگا.²

تو اس کا ٹھکانا جنت ہی ہے.¹

لوگ آپ سے قیامت کے واقع ہونے کا وقت دریافت کرتے ہیں.¹

آپ کو اس کے بیان کرنے سے کیا تعلق؟¹

اس کے علم کی انتہا تو اللہ کی جانب ہے.

آپ تو صرف اس سے ڈرتے رہنے والوں کو آگاه کرنے والے ہیں.¹

جس روز یہ اسے دیکھ لیں گے تو ایسا معلوم ہوگا کہ صرف دن کا آخری حصہ یا اول حصہ ہی (دنیا میں) رہے ہیں.¹

وه ترش رو ہوا اور منھ موڑ لیا.

(صرف اس لئے) کہ اس کے پاس ایک نابینا آیا.¹

تجھے کیا خبر شاید وه سنور جاتا.¹

یا نصیحت سنتا اور اسے نصیحت فائده پہنچاتی.

جو بے پرواہی کرتا ہے.¹

اس کی طرف تو تو پوری توجہ کرتا ہے.¹

حاﻻنکہ اس کے نہ سنورنے سے تجھ پر کوئی الزام نہیں.¹

اور جو شخص تیرے پاس دوڑتا ہوا آتا ہے.¹

اور وه ڈر (بھی) رہا ہے.¹

تو اس سے بےرخی برتتا ہے.¹

یہ ٹھیک نہیں¹ قرآن تو نصیحت (کی چیز) ہے.

جو چاہے اس سے نصیحت لے.¹

(یہ تو) پر عظمت صحیفوں میں (ہے).¹

جو بلند وباﻻ اور پاک صاف ہے.¹

ایسے لکھنے والوں کے ہاتھوں میں ہے.¹

جو بزرگ اور پاکباز ہیں.¹

اللہ کی مار انسان پر کیسا ناشکرا ہے.¹

اسے اللہ نے کس چیز سے پیدا کیا.

اسے) ایک نطفہ¹ سے پیدا کیا،پھراس کا اندازہ مقررکیا .²

پھر اس کے لئے راستہ آسان کیا.¹

پھر اسے موت دی اور پھر قبر میں دفن کیا.

پھر جب چاہے گا اسے زنده کر دے گا.¹

ہرگز نہیں*۔ اس نے اب تک اللہ کے حکم کی بجا آوری نہیں کی.

انسان کو چاہئے کہ اپنے کھانے کو دیکھے.¹

کہ ہم نے خوب پانی برسایا.

پھر پھاڑا زمین کو اچھی طرح.

پھر اس میں سے اناج اگائے.

اور انگور اور ترکاری.

اور زیتون اور کھجور.

اور گنجان باغات.

اور میوه اور (گھاس) چاره (بھی اگایا).¹

تمہارے استعمال وفائدے کے لئے اور تمہارے چوپایوں کے لئے.

پس جب کہ کان بہرے کر دینے والی (قیامت) آجائے گی.¹

اس دن آدمی اپنے بھائی سے بھاگے گا.

اور اپنی ماں اور اپنے باپ سے.

اور اپنی بیوی اور اپنی اوﻻد سے بھاگے گا.

ان میں سے ہر ایک کو اس دن ایسی فکر (دامن گیر) ہوگی جو اس کے لئے کافی ہوگی.¹

اس دن بہت سے چہرے روشن ہوں گے.

(جو) ہنستے ہوئے اور ہشاش بشاش ہوں گے.¹

اور بہت سے چہرے اس دن غبار آلود ہوں گے.

جن پر سیاہی چڑھی ہوئی ہوگی.¹

وه یہی کافر بدکردار لوگ ہوں گے.¹

جب سورج لپیٹ لیا جائے گا.

اور جب ستارے بے نور ہو جائیں گی.¹

اور جب پہاڑ چلائے جائیں گے.¹

اور جب دس ماه کی حاملہ اونٹنیاں چھوڑ دی جائیں.¹

اور جب وحشی جانور اکھٹے کیے جائیں گے.¹

اور جب سمندر بھڑکائے جائیں گے.¹

اور جب جانیں (جسموں سے) ملا دی جائیں گی.¹

اور جب زنده گاڑی ہوئی لڑکی سے سوال کیا جائے گا.

کہ کس گناه کی وجہ سے وه قتل کی گئی؟¹

اور جب نامہٴ اعمال کھول دیئے جائیں گے.¹

اور جب آسمان کی کھال اتار لی جائے گی.¹

اور جب جہنم بھڑکائی جائے گی.

اور جب جنت نزدیک کر دی جائے گی.

تو اس دن ہر شخص جان لے گا جو کچھ لے کر آیا ہوگا.¹

میں قسم کھاتا ہوں پیچھے ہٹنے والے.

چلنے پھرنے والے چھپنے والے ستاروں کی.¹

اور رات کی جب جانے لگے.¹

اور صبح کی جب چمکنے لگے.¹

یقیناً یہ ایک بزرگ رسول کا کہا ہوا ہے.¹

جو قوت واﻻ ہے¹، عرش والے (اللہ) کے نزدیک بلند مرتبہ ہے.

جس کی (آسمانوں میں) اطاعت کی جاتی ہے اورامین¹ ہے.

اور تمہارا ساتھی دیوانہ نہیں ہے.¹

اس نے اس (فرشتے) کو آسمان کے کھلے کنارے پر دیکھا بھی ہے.¹

اور یہ غیب کی باتوں کو بتلانے میں بخیل بھی نہیں.¹

اور یہ قرآن شیطان مردود کا کلام نہیں.¹

پھر تم کہاں جا رہے ہو.¹

یہ تو تمام جہان والوں کے لئے نصیحت نامہ ہے.

(بالخصوص) اس کے لئے جو تم میں سے سیدھی راه پر چلنا چاہے.

اور تم بغیر پروردگار عالم کے چاہے کچھ نہیں چاه سکتے.¹

جب آسمان پھٹ جائے گا.¹

اور جب ستارے جھڑ جائیں گے.

اور جب سمندر بہہ نکلیں گے.¹

اور جب قبریں (شق کر کے) اکھاڑ دی جائیں گی.¹

(اس وقت) ہر شخص اپنے آگے بھیجے ہوئے اور پیچھے چھوڑے ہوئے (یعنی اگلے پچھلے اعمال) کو معلوم کر لے گا.¹

اے انسان! تجھے اپنے رب کریم سے کس چیز نے بہکایا.¹

جس (رب نے) تجھے پیدا کیا،¹ پھر ٹھیک ٹھاک کیا²، پھر (درست اور) برابر بنایا.³

جس صورت میں چاہا تجھے جوڑ دیا.¹

ہرگز نہیں بلکہ تم تو جزا وسزا کے دن کو جھٹلاتے ہو.¹

یقیناً تم پر نگہبان عزت والے.

لکھنے والے مقرر ہیں.

جوکچھ تم کرتے ہو وه جانتے ہیں.¹

یقیناً نیک لوگ (جنت کے عیش وآرام اور) نعمتوں میں ہوں گے.

اور یقیناً بدکار لوگ دوزخ میں ہوں گے.¹

بدلے والے دن اس میں جائیں گے.¹

وه اس سے کبھی غائب نہ ہونے پائیں گے.¹

تجھے کچھ خبر بھی ہے کہ بدلے کا دن کیا ہے.

میں پھر (کہتا ہوں کہ) تجھے کیا معلوم کہ جزا (اور سزا) کا دن کیا ہے.¹

(وه ہے) جس دن کوئی شخص کسی شخص کے لئے کسی چیز کا مختار نہ ہوگا، اور (تمام تر) احکام اس روز اللہ کے ہی ہوں گے.¹

بڑی خرابی ہے ناپ تول میں کمی کرنے والوں کی.

کہ جب لوگوں سے ناپ کر لیتے ہیں تو پورا پورا لیتے ہیں.

اور جب انہیں ناپ کر یا تول کر دیتے ہیں تو کم دیتے ہیں.¹

کیا انہیں اپنے مرنے کے بعد جی اٹھنے کا خیال نہیں.

اس عظیم دن کے لئے.

جس دن سب لوگ رب العالمین کے سامنے کھڑے ہوں گے.¹

یقیناً بدکاروں کا نامہٴ اعمال سِجِّينٌ میں ہے.¹

تجھے کیا معلوم سِجِّينٌ کیا ہے؟

(یہ تو) لکھی ہوئی کتاب ہے.

اس دن جھٹلانے والوں کی بڑی خرابی ہے.

جو جزا وسزا کے دن کو جھٹلاتے رہے.

اسے صرف وہی جھٹلاتا ہےجو حد سے آگے نکل جانے واﻻ (اور) گناه گار ہوتا ہے.

جب اس کے سامنے ہماری آیتیں پڑھی جاتی ہیں تو کہہ دیتا ہے کہ یہ اگلوں کے افسانے ہیں.¹

یوں نہیں¹ بلکہ ان کے دلوں پر ان کےاعمال کی وجہ سے زنگ (چڑھ گیا) ہے.²

ہرگز نہیں یہ لوگ اس دن اپنے رب سےاوٹ میں رکھے جائیں گے.¹

پھر یہ لوگ بالیقین جہنم میں جھونکے جائیں گے.

پھر کہہ دیا جائے گا کہ یہی ہے وه جسے تم جھٹلاتے رہے.

لرگزنہیں،بےشک نیکوکاروں کے اعمال نامے علییں میں ہیں .¹

اورتجھے کیا پتہ کہ عِلِّیین کیا ہے؟