۞ إِنَّٱللَّهَفَالِقُٱلْحَبِّوَٱلنَّوَىٰ ۖيُخْرِجُٱلْحَىَّمِنَٱلْمَيِّتِوَمُخْرِجُٱلْمَيِّتِمِنَٱلْحَىِّ ۚذَٰلِكُمُٱللَّهُ ۖفَأَنَّىٰتُؤْفَكُونَ٩٥

بےشک اللہ تعالیٰ دانہ کو اور گٹھلیوں کو پھاڑنے واﻻ ہے¹، وه جاندار کو بے جان سے نکال ﻻتا ہے² اور وه بے جان کو جاندار سے نکالنے واﻻ ہے³ اللہ تعالیٰ یہ ہے، سو تم کہاں الٹے چلے جا رہے ہو۔

وه صبح کا نکالنے واﻻ ہے¹ اور اس نے رات کو راحت کی چیز بنا یا ہے² اور سورج اور چاند کو حساب سے رکھا ہے³۔ یہ ٹھہرائی بات ہے ایسی ذات کی جو کہ قادر ہے بڑے علم واﻻ ہے۔

اور وه ایسا ہے جس نے تمہارے لئے ستاروں کو پیدا کیا، تاکہ تم ان کے ذریعہ سے اندھیروں میں، خشکی میں اور دریا میں بھی راستہ معلوم کرسکو¹۔ بےشک ہم نے دﻻئل خوب کھول کھول کر بیان کردیئے ہیں ان لوگوں کے لئے جو خبر رکھتے ہیں۔

اور وه ایسا ہے جس نے تم کو ایک شخص سے پیدا کیا پھر ایک جگہ زیاده رہنے کی ہے اور ایک جگہ چندے، رہنے کی¹ بےشک ہم نےدﻻئل خوب کھول کھول کر بیان کردیئے ان لوگوں کے لئے جو سمجھ بوجھ رکھتے ہیں۔

اور وه ایسا ہے جس نے آسمان سے پانی برسایا پھر ہم نے اس کے ذریعہ سے ہر قسم کے نبات کو نکالا¹ پھر ہم نے اس سے سبز شاخ نکالی² کہ اس سے ہم اوپر تلے دانے چڑھے ہوئے نکالتے ہیں³ اور کھجور کے درختوں سے یعنی ان کے گپھے میں سے، خوشے ہیں جو نیچے کو لٹکے جاتے ہیں⁴ اور انگوروں کے باغ اور زیتون⁵ اور انار کہ بعض ایک دوسرے سے ملتے جلتے ہوتے ہیں اور کچھ ایک دوسرے سے ملتے جلتے نہیں ہوتے⁶۔ ہر ایک کے پھل کو دیکھو جب وه پھلتا ہے اور اس کے پکنے کو دیکھو ان میں دﻻئل ہیں ان لوگوں کے لئے جو ایمان رکھتے ہیں۔⁷

اور لوگوں نے شیاطین کو اللہ تعالیٰ کا شریک قرار دے رکھا ہے حاﻻنکہ ان لوگوں کو اللہ ہی نے پیدا کیا ہے اور ان لوگوں نے اللہ کے حق میں بیٹے اور بیٹیاں بلا سند تراش رکھی ہیں اور وه پاک اور برتر ہے ان باتوں سے جو یہ کرتے ہیں۔

وه آسمانوں اور زمین کا موجد ہے، اللہ تعالیٰ کے اوﻻد کہاں ہوسکتی ہے حاﻻنکہ اس کے کوئی بیوی تو ہے نہیں اور اللہ تعالیٰ نے ہر چیز کو پیدا کیا¹ اور وه ہر چیز کو خوب جانتا ہے۔