وَأَنَاٱخْتَرْتُكَفَٱسْتَمِعْلِمَايُوحَىٰٓ١٣

اور میں نے تجھے منتخب کر لیا¹ اب جو وحی کی جائے اسے کان لگا کر سن.

بیشک میں ہی اللہ ہوں، میرے سوا عبادت کے ﻻئق اور کوئی نہیں پس تو میری ہی عبادت کر¹، اور میری یاد کے لئے نماز قائم رکھ.²

قیامت یقیناً آنے والی ہے جسے میں پوشیده رکھنا چاہتا ہوں تاکہ ہر شخص کو وه بدلہ دیا جائے جو اس نے کوشش کی ہو.

پس اب اس کے یقین سے تجھے کوئی ایسا شخص روک نہ دے جو اس پر ایمان نہ رکھتا ہو اور اپنی خواہش کے پیچھے پڑا ہو، ورنہ تو ہلاک ہوجائے گا.¹

اے موسیٰ! تیرے اس دائیں ہاتھ میں کیا ہے؟

جواب دیا کہ یہ میری ﻻٹھی ہے، جس پر میں ٹیک لگاتا ہوں اور جس سے میں اپنی بکریوں کے لئے پتے جھاڑ لیا کرتا ہوں اور بھی اس میں مجھے بہت سے فائدے ہیں.

فرمایا اے موسیٰ! اسے ہاتھ سے نیچے ڈال دے.

ڈالتے ہی وه سانﭗ بن کر دوڑنے لگی

فرمایا بے خوف ہو کر اسے پکڑ لے، ہم اسے اسی پہلی سی صورت میں دوباره ﻻ دیں گے.¹

اور اپنا ہاتھ اپنی بغل میں ڈال لے تو وه سفید چمکتا ہوا ہو کر نکلے گا، لیکن بغیر کسی عیب (اور روگ) کے¹ یہ دوسرا معجزه ہے.

یہ اس لئے کہ ہم تجھے اپنی بڑی بڑی نشانیاں دکھانا چاہتے ہیں.

اب تو فرعون کی طرف جا اس نے بڑی سرکشی مچا رکھی ہے.¹

موسیٰ (علیہ السلام) نے کہا اے میرے پروردگار! میرا سینہ میرے لئے کھول دے.

اور میرے کام کو مجھ پر آسان کر دے.

اور میری زبان کی گره بھی کھول دے.

تاکہ لوگ میری بات اچھی طرح سمجھ سکیں.

اور میرا وزیر میرے کنبے میں سے کر دے.

یعنی میرے بھائی ہارون (علیہ السلام) کو.

تو اس سے میری کمر کس دے.

اور اسے میرا شریک کار کر دے.¹

تاکہ ہم دونوں بکثرت تیری تسبیح بیان کریں.

اور بکثرت تیری یاد کریں.¹

بیشک تو ہمیں خوب دیکھنے بھالنے واﻻ ہے.¹

جناب باری تعالیٰ نے فرمایا موسیٰ تیرے تمام سواﻻت پورے کر دیئے گئے.¹

ہم نے تو تجھ پرایک بار اور بھی بڑا احسان کیا ہے.¹