كَذَٰلِكَنَقُصُّعَلَيْكَمِنْأَنۢبَآءِمَاقَدْسَبَقَ ۚوَقَدْءَاتَيْنَـٰكَمِنلَّدُنَّاذِكْرًۭا٩٩

اسی طرح ہم تیرے¹ سامنے پہلے کی گزری ہوئی وارداتیں بیان فرما رہے ہیں اور یقیناً ہم تجھے اپنے پاس سے نصیحت عطا فرما چکے ہیں.²

اس سے جو منھ پھیر لے گا¹ وه یقیناً قیامت کے دن اپنا بھاری بوجھ ﻻدے ہوئے ہوگا.²

جس میں ہمیشہ ہی رہے گا¹، اور ان کے لئے قیامت کے دن (بڑا) برا بوجھ ہے.

جس دن صور¹ پھونکا جائے گا اور گناه گاروں کو ہم اس دن (دہشت کی وجہ سے) نیلی پیلی آنکھوں کے ساتھ گھیر ﻻئیں گے.

وه آپس میں چپکے چپکے کہہ رہے¹ ہوں گے کہ ہم تو (دنیا میں) صرف دس دن ہی رہے.

جوکچھ وه کہہ رہے ہیں اس کی حقیقت سے ہم باخبر ہیں ان میں سب سے زیاده اچھی راه¹ واﻻ کہہ رہا ہو گا کہ تم تو صرف ایک ہی دن رہے.

وه آپ سے پہاڑوں کی نسبت سوال کرتے ہیں، تو آپ کہہ دیں کہ انہیں میرا رب ریزه ریزه کر کے اڑا دے گا.

اور زمین کو بالکل ہموار صاف میدان کر کے چھوڑے گا.

جس میں تو نہ کہیں موڑ دیکھے گا نہ اونچ نیچ.

جس دن لوگ پکارنے والے کے پیچھے چلیں¹ گے جس میں کوئی کجی نہ ہوگی² اور اللہ رحمنٰ کے سامنے تمام آوازیں پست ہو جائیں گی سوائے کھسر پھسر کے تجھے کچھ بھی سنائی نہ دے گا.³

اس دن سفارش کچھ کام نہیں آئے گی مگر جسے رحمنٰ حکم دے اور اس کی بات کو پسند فرمائے.¹

جو کچھ ان کے آگے پیچھے ہے اسے اللہ ہی جانتا ہے مخلوق کا علم اس پر حاوی نہیں ہو سکتا.¹

تمام چہرے اس زنده اور قائم دائم مدبر، اللہ کے سامنے کمال عاجزی سے جھکے ہوئے ہونگے، یقیناً وه برباد ہوا جس نے ﻇلم ﻻد لیا.¹

اور جو نیک اعمال کرے اور ایمان واﻻ بھی ہو تو نہ اسے بے انصافی کا کھٹکا ہوگا نہ حق تلفی کا.¹

اسی طرح ہم نے تجھ پر عربی قرآن نازل فرمایا ہے اور طرح طرح سے اس میں ڈر کا بیان سنایا ہے تاکہ لوگ پرہیز گار بن¹ جائیں یا ان کے دل میں سوچ سمجھ تو پیدا کرے.²