ٱلْمُلْكُيَوْمَئِذٍۢلِّلَّهِيَحْكُمُبَيْنَهُمْ ۚفَٱلَّذِينَءَامَنُوا۟وَعَمِلُوا۟ٱلصَّـٰلِحَـٰتِفِىجَنَّـٰتِٱلنَّعِيمِ٥٦

اس دن صرف اللہ ہی کی بادشاہت ہوگی¹ وہی ان میں فیصلے فرمائے گا۔ ایمان اور نیک عمل والے تو نعمتوں سے بھری جنتوں میں ہوں گے.

اور جن لوگوں نے کفر کیا اور ہماری آیتوں کو جھٹلایا ان کے لئے ذلیل کرنے والے عذاب ہیں.

اور جن لوگوں نے راه خدا میں ترک وطن کیا پھر وه شہید کر دیئے گئے یا اپنی موت مر¹ گئے اللہ تعالیٰ انہیں بہترین رزق عطا فرمائے گا²۔ اور بیشک اللہ تعالیٰ روزی دینے والوں میں سب سے بہتر ہے.³

انہیں اللہ تعالیٰ ایسی جگہ پہنچائے گا کہ وه اس سے راضی ہو جائیں گے¹، بیشک اللہ تعالیٰ علم اور بردباری² واﻻ ہے.

بات یہی ہے¹، اور جس نے بدلہ لیا اسی کے برابر جو اس کے ساتھ کیا گیا تھا پھر اگر اس سے زیادتی کی جائے تو یقیناً اللہ تعالیٰ خود اس کی مدد فرمائے گا²۔ بیشک اللہ درگزر کرنے واﻻ بخشنے واﻻ ہے.³

یہ اس لئے کہ اللہ رات کو دن میں داخل کرتا ہے اور دن کو رات میں داخل کرتا ہے¹، اور بیشک اللہ سننے واﻻ دیکھنے واﻻ ہے.

یہ سب اس لئے کہ اللہ ہی حق ہے¹ اور اس کے سوا جسے بھی یہ پکارتے ہیں وه باطل ہے اور بیشک اللہ ہی بلندی واﻻ کبریائی واﻻ ہے.

کیا آپ نے نہیں دیکھا کہ اللہ تعالیٰ آسمان سے پانی برساتا ہے، پس زمین سرسبز ہو جاتی ہے۔ بے شک اللہ تعالیٰ مہربان اور باخبر ہے.¹

آسمانوں اور زمین میں جو کچھ ہے اسی کا ہے¹ اور یقیناً اللہ وہی ہے بے نیاز تعریفوں واﻻ.