يَـٰٓأَيُّهَاٱلنَّاسُضُرِبَمَثَلٌۭفَٱسْتَمِعُوا۟لَهُۥٓ ۚإِنَّٱلَّذِينَتَدْعُونَمِندُونِٱللَّهِلَنيَخْلُقُوا۟ذُبَابًۭاوَلَوِٱجْتَمَعُوا۟لَهُۥ ۖوَإِنيَسْلُبْهُمُٱلذُّبَابُشَيْـًۭٔالَّايَسْتَنقِذُوهُمِنْهُ ۚضَعُفَٱلطَّالِبُوَٱلْمَطْلُوبُ٧٣

لوگو! ایک مثال بیان کی جا رہی ہے، ذرا کان لگا کر سن لو! اللہ کے سوا جن جن کو تم پکارتے رہے ہو وه ایک مکھی بھی تو پیدا نہیں کر سکتے، گو سارے کے سارے ہی جمع ہو جائیں¹، بلکہ اگر مکھی ان سے کوئی چیز لے بھاگے تو یہ تو اسے بھی اس سے چھین نہیں² سکتے، بڑا بودا ہے طلب کرنے واﻻ اور بڑا بودا ہے³ وه جس سے طلب کیا جا رہا ہے.

انہوں نے اللہ کے مرتبہ کے مطابق اس کی قدر جانی ہی نہیں¹، اللہ تعالیٰ بڑا ہی زور وقوت واﻻ اور غالب وزبردست ہے.

فرشتوں میں سے اور انسانوں میں سے پیغام پہونچانے والوں کو اللہ ہی چھانٹ لیتا ہے،¹ بیشک اللہ تعالیٰ سننے واﻻ دیکھنے واﻻ ہے.²

وه بخوبی جانتا ہے جو کچھ ان کے آگے ہے اور جو کچھ ان کے پیچھے ہے، اور اللہ ہی کی طرف سب کام لوٹائے جاتے ہیں.¹

اے ایمان والو! رکوع سجده کرتے رہو¹ اور اپنے پروردگار کی عبادت میں لگے رہو اور نیک کام کرتے رہو تاکہ تم کامیاب ہو جاؤ.²

اور اللہ کی راه میں ویسا ہی جہاد کرو جیسا جہاد کا حق ہے¹۔ اسی نے تمہیں برگزیده بنایا ہے اور تم پر دین کے بارے میں کوئی تنگی نہیں ڈالی²، دین اپنے باپ ابراہیم³ (علیہ السلام) کا قائم رکھو، اسی اللہ⁴ نے تمہارا نام مسلمان رکھا ہے۔ اس قرآن سے پہلے اور اس میں بھی تاکہ پیغمبر تم پر گواه ہو جائے اور تم تمام لوگوں کے گواه بن جاؤ⁵۔ پس تمہیں چاہئے کہ نمازیں قائم رکھو اور زکوٰة ادا کرتے رہو اور اللہ کو مضبوط تھام لو، وہی تمہارا ولی اور مالک ہے۔ پس کیا ہی اچھا مالک ہے اور کتنا ہی بہتر مددگار ہے.