وَٱجْعَللِّىلِسَانَصِدْقٍۢفِىٱلْـَٔاخِرِينَ٨٤

اور میرا ذکر خیر پچھلے لوگوں میں بھی باقی رکھ.¹

مجھے نعمتوں والی جنت کے وارﺛوں میں سے بنادے.

اور میرے باپ کو بخش دے یقیناً وه گمراہوں میں سے تھا.¹

اور جس دن کے لوگ دوباره جلائے جائیں مجھے رسوا نہ کر.¹

جس دن کہ مال اور اوﻻد کچھ کام نہ آئے گی.

لیکن فائده واﻻ وہی ہوگا جو اللہ تعالیٰ کے سامنے بے عیب دل لے کر جائے.¹

اور پرہیزگاروں کے لیے جنت بالکل نزدیک ﻻدی جائے گی.

اور گمراه لوگوں کے لیے جہنم ﻇاہر کردی جائے گی.¹

اور ان سے پوچھا جائے گا کہ جن کی تم پوجا کرتے رہے وه کہاں ہیں؟

جو اللہ تعالیٰ کے سوا تھے¹، کیاوه تمہاری مدد کرتے ہیں؟ یا کوئی بدلہ لے سکتے ہیں.²

پس وه سب اور کل گمراه لوگ جہنم میں اوندھے منھ ڈال دیے جائیں گے.¹

اور ابلیس کے تمام کے تمام لشکر¹ بھی، وہاں.

آپس میں لڑتے جھگڑتے ہوئے کہیں گے.

کہ قسم اللہ کی! یقیناً ہم تو کھلی غلطی پر تھے.

جبکہ تمہیں رب العالمین کے برابر سمجھ بیٹھے تھے.¹

اور ہمیں تو سوا ان بدکاروں کے کسی اور نے گمراه نہیں کیا تھا.¹

اب تو ہمارا کوئی سفارشی بھی نہیں.

اور نہ کوئی (سچا) غم خوار دوست.¹

اگر کاش کہ ہمیں ایک مرتبہ پھر جانا ملتا تو ہم پکے سچے مومن بن جاتے.¹

یہ ماجرا یقیناً ایک زبردست نشانی ہے¹ ان میں سے اکثر لوگ ایمان ﻻنے والے نہیں.²

یقیناً آپ کا پروردگار ہی غالب مہربان ہے.

قوم نوح نے بھی نبیوں کو جھٹلایا.¹

جبکہ ان کے بھائی¹ نوح (علیہ السلام) نے کہا کہ کیا تمہیں اللہ کا خوف نہیں!

سنو! میں تمہاری طرف اللہ کا امانتدار رسول ہوں.¹

پس تمہیں اللہ سے ڈرنا چاہئے اور میری بات ماننی چاہئے.¹

میں تم سے اس پر کوئی اجر نہیں چاہتا، میرا بدلہ تو صرف رب العالمین کے ہاں ہے.¹

پس تم اللہ کا خوف رکھو اور میری فرمانبرداری کرو.¹

قوم نے جواب دیا کہ ہم تجھ پر ایمان ﻻئیں! تیری تابعداری تو رذیل لوگوں نے کی ہے.¹