قَالَوَمَاعِلْمِىبِمَاكَانُوا۟يَعْمَلُونَ١١٢

آپ نے فرمایا! مجھے کیا خبر کہ وه پہلے کیا کرتے رہے؟¹

ان کا حساب تو میرے رب کے ذمہ¹ ہے اگر تمہیں شعور ہو تو.

میں ایمان والوں کو دھکے دینے واﻻ نہیں.¹

میں تو صاف طور پر ڈرا دینے واﻻ ہوں.¹

انہوں نے کہاکہ اے نوح! اگر تو باز نہ آیا تو یقیناً تجھے سنگسار کردیا جائے گا.

آپ نے کہا اے میرے پروردگار! میری قوم نے مجھے جھٹلا دیا.

پس تو مجھ میں اور ان میں کوئی قطعی فیصلہ کردے اور مجھے اور میرے با ایمان ساتھیوں کو نجات دے.

چنانچہ ہم نے اسے اور اس کے ساتھیوں کو بھری ہوئی کشتی میں (سوار کراکر) نجات دے دی.

بعد ازاں باقی کے تمام لوگوں کو ہم نے ڈبو دیا.¹

یقیناً اس میں بہت بڑی عبرت ہے۔ ان میں سے اکثر لوگ ایمان ﻻنے والے تھے بھی نہیں.

اور بیشک آپ کا پروردگار البتہ وہی ہے زبردست رحم کرنے واﻻ.

عادیوں نے بھی رسولوں کو جھٹلایا.¹

جبکہ ان سے ان کے بھائی ہود¹ نے کہا کہ کیا تم ڈرتے نہیں؟

میں تمہارا امانتدار پیغمبر ہوں.

پس اللہ سے ڈرو اور میرا کہا مانو!

میں اس پر تم سے کوئی اجرت طلب نہیں کرتا، میرا ﺛواب تو تمام جہان کے پروردگار کے پاس ہی ہے.

کیا تم ایک ایک ٹیلے پر بطور کھیل تماشا یادگار (عمارت) بنا رہے ہو.¹

اور بڑی صنعت والے (مضبوط محل تعمیر) کر رہے ہو، گویا کہ تم ہمیشہ یہیں رہو گے.¹

اور جب کسی پر ہاتھ، ڈالتے ہو تو سختی اور ﻇلم سے پکڑتے ہو.¹

اللہ سے ڈرو اور میری پیروی کرو.¹

اس سے ڈرو جس نے ان چیزوں سے تمہاری امداد کی جنہیں تم جانتے ہو.

اس نے تمہاری مدد کی مال سے اور اوﻻد سے.

باغات سے اور چشموں سے.

مجھے تو تمہاری نسبت بڑے دن کےعذاب کا اندیشہ ہے.¹

انہوں نے کہا کہ آپ وعﻆ کہیں یا وعﻆ کہنے والوں میں نہ ہوں ہم پر یکساں ہے.