إِنْهَـٰذَآإِلَّاخُلُقُٱلْأَوَّلِينَ١٣٧

یہ تو بس پرانے لوگوں کی عادت ہے.¹

اور ہم ہرگز عذاب نہیں دیے جائیں گے.¹

چونکہ عادیوں نے حضرت ہود کو جھٹلایا، اس لیے ہم نے انہیں تباه کردیا¹ یقیناً اس میں نشانی ہے اور ان میں سے اکثر بے ایمان تھے.

بیشک آپ کا رب وہی غالب مہربان.

ﺛمودیوں¹ نے بھی پیغمبروں کو جھٹلایا.

ان کے بھائی صالح نے ان سے فرمایا کہ کیا تم اللہ سے نہیں ڈرتے؟.

میں تمہاری طرف اللہ کا امانت دار پیغمبر ہوں.

تو تم اللہ سے ڈرو اور میرا کہا کرو.

میں اس پر تم سے کوئی اجرت نہیں مانگتا، میری اجرت تو بس پرودگار عالم پر ہی ہے.

کیا ان چیزوں میں جو یہاں ہیں تم امن کے ساتھ چھوڑ دیے جاؤ گے.¹

یعنی ان باغوں اور ان چشموں.

اور ان کھیتوں اور ان کھجوروں کے باغوں میں جن کے شگوفے نرم و نازک ہیں.¹

اور تم پہاڑوں کو تراش تراش کر پر تکلف مکانات بنا رہے ہو.¹

پس اللہ سے ڈرو اور میری اطاعت کرو.

بے باک حد سے گزر جانے والوں کی¹ اطاعت سے باز آجاؤ.

جو ملک میں فساد پھیلا رہے ہیں اور اصلاح نہیں کرتے.

وه بولے کہ بس تو ان میں سے ہے جن پر جادو کردیا گیا ہے.

تو تو ہم جیسا ہی انسان ہے۔ اگر تو سچوں سے ہے تو کوئی معجزه لے آ.

آپ نے فرمایا یہ ہے اونٹنی، پانی پینے کی ایک باری اس کی اور ایک مقرره دن کی باری پانی پینے کی تمہاری.¹

(خبردار!) اسے برائی سے ہاتھ نہ لگانا ورنہ ایک بڑے بھاری دن کا عذاب تمہاری گرفت کر لے گا.¹

پھر بھی انہوں نے اس کی کوچیں کاٹ ڈالیں¹، بس وه پشیمان ہوگئے.²

اور عذاب نے انہیں آ دبوچا¹۔ بیشک اس میں عبرت ہے۔ اور ان میں سے اکثر لوگ مومن نہ تھے.

اور بیشک آپ کا رب بڑا زبردست اور مہربان ہے.