كَذَّبَتْقَوْمُلُوطٍٱلْمُرْسَلِينَ١٦٠

قوم لوط¹ نے بھی نبیوں کو جھُٹلایا.

ان سے ان کے بھائی لوط (علیہ السلام) نے کہا کیا تم اللہ کا خوف نہیں رکھتے؟

میں تمہاری طرف امانت دار رسول ہوں.

پس تم اللہ تعالیٰ سے ڈرو اور میری اطاعت کرو.

میں تم سے اس پر کوئی بدلہ نہیں مانگتا میرا اجر تو صرف اللہ تعالیٰ پر ہے جو تمام جہان کا رب ہے.

کیا تم جہان والوں میں سے مردوں کے ساتھ شہوت رانی کرتے ہو.

اور تمہاری جن عورتوں کو اللہ تعالیٰ نے تمہارا جوڑا بنایا ہے ان کو چھوڑ دیتے ہو¹، بلکہ تم ہو ہی حد سے گزر جانے والے.²

انہوں نے جواب دیاکہ اے لوط! اگر تو باز نہ آیا تو یقیناً نکال دیا جائے گا.¹

آپ نے فرمایا، میں تمہارے کام سے سخت ناخوش ہوں. ¹

میرے پروردگار! مجھے اور میرے گھرانے کو اس (وبال) سے بچالے جو یہ کرتے ہیں.

پس ہم نے اسے اور اس کے متعلقین کو سب کو بچالیا.

بجز ایک بڑھیا کے کہ وه پیچھے ره جانے والوں میں ہوگئی.¹

پھر ہم نے باقی اور سب کو ہلاک کر دیا.

اور ہم نے ان پر ایک خاص قسم کا مینہ برسایا، پس بہت ہی برا مینہ تھا جو ڈرائے گئے ہوئے لوگوں پر برسا.¹

یہ ماجرا بھی سراسر عبرت ہے۔ ان میں سے بھی اکثر مسلمان نہ تھے.

بیشک تیرا پروردگار وہی ہے غلبے واﻻ مہربانی واﻻ.

اَیکہ والوں نے بھی رسولوں کو جھٹلایا ¹

جبکہ ان سے شعیب (علیہ السلام) نے کہاکہ کیا تمہیں ڈر خوف نہیں؟

میں تمہاری طرف امانت دار رسول ہوں.

اللہ کا خوف کھاؤ اور میری فرمانبرداری کرو.

میں اس پر تم سے کوئی اجرت نہیں چاہتا، میرا اجر تمام جہانوں کے پالنے والے کے پاس ہے.

ناپ پورا بھرا کرو کم دینے والوں میں شمولیت نہ کرو.¹

اور سیدھی صحیح ترازو سے توﻻ کرو.¹

لوگوں کو ان کی چیزیں کمی سے نہ دو¹ بے باکی کے ساتھ زمین میں فساد مچاتے نہ پھرو.²