وَٱتَّقُوا۟ٱلَّذِىخَلَقَكُمْوَٱلْجِبِلَّةَٱلْأَوَّلِينَ١٨٤

اس اللہ کا خوف رکھو جس نے خود تمہیں اور اگلی مخلوق کو پیدا کیا ہے.¹

انہوں نے کہا تو تو ان میں سے ہے جن پر جادو کردیا جاتا ہے.

اور تو تو ہم ہی جیسا ایک انسان ہے اور ہم تو تجھے جھوٹ بولنے والوں میں سے ہی سمجھتے ہیں.¹

اگر تو سچے لوگوں میں سے ہے تو ہم پر آسمان کے ٹکڑے گرادے.¹

کہاکہ میرا رب خوب جاننے واﻻ ہے جو کچھ تم کر رہے ہو.¹

چونکہ انہوں نے اسے جھٹلایا تو انہیں سائبان والے دن کے عذاب نے پکڑ لیا¹۔ وه بڑے بھاری دن کا عذاب تھا.

یقیناً اس میں بڑی نشانی ہے اور ان میں کےاکثر مسلمان نہ تھے.

اور یقیناً تیرا پروردگار البتہ وہی ہے غلبے واﻻ مہربانی واﻻ.

اور بیشک و شبہ یہ (قرآن) رب العالمین کا نازل فرمایا ہوا ہے.

اسے امانت دار فرشتہ لے کر آیا ہے.¹

آپ کے دل پر اترا ہے¹ کہ آپ آگاه کر دینے والوں میں سے ہو جائیں.²

صاف عربی زبان میں ہے.

اگلے نبیوں کی کتابوں میں بھی اس قرآن کا تذکره ہے.¹

کیا انہیں یہ نشانی کافی نہیں کہ حقانیت قرآن کو تو بنی اسرائیل کے علماء بھی جانتے ہیں.¹

اور اگر ہم اسے کسی عجمی شخص پر نازل فرماتے.

پس وه ان کے سامنے اس کی تلاوت کرتا تو یہ اسے باور کرنے والے نہ ہوتے.¹

اسی طرح ہم نے گناہگاروں کے دلوں میں اس انکار کو داخل کر دیا ہے.¹

وه جب تک دردناک عذابوں کو ملاحظہ نہ کرلیں ایمان نہ ﻻئیں گے.

پس وه عذاب ان کو ناگہاں آجائے گا انہیں اس کا شعور بھی نہ ہو گا.

اس وقت کہیں گے کہ کیا ہمیں کچھ مہلت دی جائے گی؟¹

پس کیا یہ ہمارے عذاب کی جلدی مچا رہے ہیں؟¹

اچھا یہ بھی بتاؤ کہ اگر ہم نے انہیں کئی سال بھی فائده اٹھانے دیا.

پھر انہیں وه عذاب آ لگا جن سے یہ دھمکائے جاتے تھے.