وَوَهَبْنَالَهُۥٓأَهْلَهُۥوَمِثْلَهُممَّعَهُمْرَحْمَةًۭمِّنَّاوَذِكْرَىٰلِأُو۟لِىٱلْأَلْبَـٰبِ٤٣

اور ہم نے اسے اس کا پورا کنبہ عطا فرمایا بلکہ اتنا ہی اور بھی اسی کے ساتھ اپنی (خاص) رحمت سے¹، اور عقلمندوں کی نصیحت کے لئے.²

اور اپنے ہاتھوں میں تنکوں کا ایک مٹھا (جھاڑو) لے کر مار دے اور قسم کے خلاف نہ کر¹، سچ تو یہ ہے کہ ہم نے اسے بڑا صابر بنده پایا، وه بڑا نیک بنده تھا اور بڑی ہی رغبت رکھنے واﻻ.

ہمارے بندوں ابراہیم، اسحاق اور یعقوب (علیہم السلام) کا بھی لوگوں سے ذکر کرو جو ہاتھوں اور آنکھوں والے¹ تھے.

ہم نے انہیں ایک خاص بات یعنی آخرت کی یاد کے ساتھ مخصوص کر دیا تھا.¹

یہ سب ہمارے نزدیک برگزیده اور بہترین لوگ تھے.

اسماعیل، یسع اور ذوالکفل (علیہم السلام) کا بھی ذکر کر دیجئے۔ یہ سب بہترین لوگ¹ تھے.

یہ نصیحت ہے اور یقین مانو کہ پرہیزگاروں کی بڑی اچھی جگہ ہے.

(یعنی ہمیشگی والی) جنتیں جن کے دروازے ان کے لئے کھلے ہوئے ہیں.

جن میں بافراغت تکیے لگائے بیٹھے ہوئے طرح طرح کے میوے اور قسم قسم کی شرابوں کی فرمائشیں کر رہے ہیں.

اور ان کے پاس نیچی نظروں والی ہم عمر حوریں ہوں گی.¹

یہ ہے جس کا وعده تم سے حساب کے دن کے لئے کیا جاتا تھا.

بیشک روزیاں (خاص) ہمارا عطیہ ہیں جن کا کبھی خاتمہ ہی نہیں.¹

یہ تو ہوئی جزا¹، (یاد رکھو کہ) سرکشوں کے لئے² بڑی بری جگہ ہے.³

دوزخ ہے جس میں وه جائیں گے (آه) کیا ہی برا بچھونا ہے.

یہ ہے، پس اسے چکھیں، گرم پانی اور پیﭗ.¹

اس کے علاوه اور طرح طرح کے عذاب.¹

یہ ایک قوم ہے جو تمہارے ساتھ (آگ میں) جانے والی ہے¹، کوئی خوش آمدید ان کے لئے نہیں ہے² یہی تو جہنم میں جانے والے ہیں.³

وه کہیں گے بلکہ تم ہی ہو جن کے لئے کوئی خوش آمدید نہیں ہے تم ہی نے تو اسے پہلے ہی سے ہمارے سامنے ﻻ رکھا تھا¹، پس رہنے کی بڑی بری جگہ ہے.

وه کہیں گے اے ہمارے رب! جس نے (کفر کی رسم) ہمارے لئے پہلے سے نکالی ہو¹ اس کے حق میں جہنم کی دگنی سزا کر دے.²