وَقَالُوا۟مَالَنَالَانَرَىٰرِجَالًۭاكُنَّانَعُدُّهُممِّنَٱلْأَشْرَارِ٦٢

اور جہنمی کہیں گے کیا بات ہے کہ وه لوگ ہمیں دکھائی نہیں دیتے جنہیں ہم برے لوگوں میں شمار کرتے تھے.¹

کیا ہم نے ہی ان کا مذاق بنا رکھا تھا¹ یا ہماری نگاہیں ان سے ہٹ گئی ہیں.²

یقین جانو کہ دوزخیوں کا یہ جھگڑا ضرور ہی ہوگا.¹

کہہ دیجئے! کہ میں تو صرف خبردار کرنے واﻻ ہوں¹ اور بجز اللہ واحد غالب کے اور کوئی ﻻئق عبادت نہیں.

جو پروردگار ہے آسمانوں کا اور زمین کا اور جو کچھ ان کے درمیان ہے، وه زبردست اور بڑا بخشنے واﻻ ہے.

آپ کہہ دیجئے کہ یہ بہت بڑی خبر ہے.¹

جس سے تم بے پرواه ہو رہے ہو.

مجھے ان بلند قدر فرشتوں کی (بات چیت کا) کوئی علم ہی نہیں جبکہ وه تکرار کر رہے تھے.¹

میری طرف فقط یہی وحی کی جاتی ہے کہ میں تو صاف صاف آگاه کر دینے واﻻ ہوں.¹

جبکہ آپ کے رب نے فرشتوں سے ارشاد فرمایا¹ کہ میں مٹی سے انسان کو پیدا² کرنے واﻻ ہوں.

سو جب میں اسے ٹھیک ٹھاک کر لوں¹ اور اس میں اپنی روح پھونک دوں²، تو تم سب اس کے سامنے سجدے میں گر پڑنا.³

چنانچہ تمام فرشتوں نے سجده کیا.¹

مگر ابلیس نے (نہ کیا)، اس نے تکبر کیا¹ اور وه تھا کافروں میں سے.²

(اللہ تعالیٰ نے) فرمایا اے ابلیس! تجھے اسے سجده کرنے سے کس چیز نے روکا جسے میں نے اپنے ہاتھوں سے پیدا کیا۔ کیا¹ تو کچھ گھمنڈ میں آگیا ہے؟ یا تو بڑے درجے والوں میں سے ہے.

اس نے جواب دیا کہ میں اس سے بہتر ہوں، تو نے مجھے آگ سے بنایا، اور اسے مٹی سے بنایا ہے.¹

ارشاد ہوا کہ تو یہاں سے نکل جا تو مردود ہوا.

اور تجھ پر قیامت کے دن تک میری لعنت وپھٹکار ہے.

کہنے لگا میرے رب مجھے لوگوں کے اٹھ کھڑے ہونے کے دن تک مہلت دے.

(اللہ تعالیٰ نے) فرمایا تو مہلت والوں میں سے ہے.

متعین وقت کے دن تک.

کہنے لگا پھر تو تیری عزت کی قسم! میں ان سب کو یقیناً بہکا دوں گا.

بجز تیرے ان بندوں کے جو چیده اور پسندیده ہوں.