قَالَفَٱلْحَقُّوَٱلْحَقَّأَقُولُ٨٤

فرمایا سچ تو یہ ہے، اور میں سچ ہی کہا کرتا ہوں.

کہ تجھ سے اور تیرے تمام ماننے والوں سے میں (بھی) جہنم کو بھر دوں گا.

کہہ دیجئے کہ میں تم سے اس پر کوئی بدلہ طلب نہیں کرتا¹ اور نہ میں تکلف کرنے والوں میں سے ہوں.²

یہ تو تمام جہان والوں کے لئے سراسر نصیحت (وعبرت) ہے.¹

یقیناً تم اس کی حقیقت کو کچھ ہی وقت کے بعد (صحیح طور پر) جان لو گے.¹

اس کتاب کا اتارنا اللہ تعالیٰ غالب باحکمت کی طرف سے ہے.

یقیناً ہم نے اس کتاب کو آپ کی طرف حق کے ساتھ¹ نازل فرمایا ہے پس آپ اللہ ہی کی عبادت کریں، اسی کے لئے دین کو خالص کرتے ہوئے.²

خبردار! اللہ تعالیٰ ہی کے لئے خالص عبادت کرنا ہے¹ اور جن لوگوں نے اس کے سوا اولیا بنا رکھے ہیں (اور کہتے ہیں) کہ ہم ان کی عبادت صرف اس لئے کرتے ہیں کہ یہ (بزرگ) اللہ کی نزدیکی کے مرتبہ تک ہماری رسائی کرا دیں²، یہ لوگ جس بارے میں اختلاف کر رہے ہیں اس کا (سچا) فیصلہ اللہ (خود) کرے گا³۔ جھوٹے اور ناشکرے (لوگوں) کو اللہ تعالیٰ راه نہیں دکھاتا.⁴

اگر اللہ تعالیٰ کااراده اوﻻد ہی کا ہوتا تو اپنی مخلوق میں سے جسے چاہتا چن لیتا۔ (لیکن) وه تو پاک ہے، وه¹ وہی اللہ تعالیٰ ہے یگانہ اور قوت واﻻ.

نہایت اچھی تدبیر سے اس نے آسمانوں اور زمین کو بنایا وه رات کو دن اور دن کو رات پر لپیٹ دیتا ہے¹ اور اس نے سورج اور چاند کو کام پر لگا رکھا ہے۔ ہر ایک مقرره مدت تک چل رہا ہے یقین مانو کہ وہی زبردست اور گناہوں کا بخشنے واﻻ ہے.