إِنَّٱلْمُجْرِمِينَفِىعَذَابِجَهَنَّمَخَـٰلِدُونَ٧٤

بیشک گنہگار لوگ عذاب دوزخ میں ہمیشہ رہیں گے.

یہ عذاب کبھی بھی ان سے ہلکا نہ کیا جائے گا اور وه اسی میں مایوس پڑے رہیں گے.¹

اور ہم نے ان پر ﻇلم نہیں کیا بلکہ یہ خود ہی ﻇالم تھے.

اور پکار پکار کر کہیں گے کہ اے مالک¹! تیرا رب ہمارا کام ہی تمام کردے²، وه کہے گا کہ تمہیں تو (ہمیشہ) رہنا ہے.³

ہم تو تمہارے پاس حق لے آئے لیکن تم میں سے اکثر لوگ حق¹ سے نفرت رکھنے والے تھے؟

کیا انہوں نے کسی کام کا پختہ اراده کرلیا ہے تو یقین مانو کہ ہم بھی پختہ کام کرنے والے ہیں.¹

کیا ان کا یہ خیال ہے کہ ہم ان کی پوشیده باتوں کو اور ان کی سرگوشیوں کو نہیں سنتے، (یقیناً ہم برابر سن رہے ہیں¹) بلکہ ہمارے بھیجے ہوئے ان کے پاس ہی لکھ رہے ہیں.²

آپ کہہ دیجئے! کہ اگر بالفرض رحمٰن کی اوﻻد ہو تو میں سب سے پہلے عبادت کرنے واﻻ ہوتا.¹

آسمانوں اور زمین اور عرش کا رب جو کچھ یہ بیان کرتے ہیں اس سے (بہت) پاک ہے.¹

اب آپ انہیں اسی بحﺚ مباحثہ اور کھیل کود میں چھوڑ دیجئے¹، یہاں تک کہ انہیں اس دن سے سابقہ پڑجائے جن کا یہ وعده دیے جاتے ہیں.²

وہی آسمانوں میں معبود ہے اور زمین میں بھی وہی قابل عبادت ہے¹ اور وه بڑی حکمت واﻻ اور پورے علم واﻻ ہے.

اور وه بہت برکتوں واﻻ ہے جس کے پاس آسمان وزمین اور ان کے درمیان کی بادشاہت ہے¹، اور قیامت کا علم بھی اسی کے پاس ہے² اور اسی کی جانب تم سب لوٹائے جاؤ گے.³

جنہیں یہ لوگ اللہ کے سوا پکارتے ہیں وه شفاعت کرنے کا اختیار نہیں رکھتے¹، ہاں (مستحق شفاعت وه ہیں) جو حق بات کا اقرار کریں اور انہیں علم بھی ہو.²

اگر آپ ان سے دریافت کریں کہ انہیں کس نے پیدا کیا ہے؟ تو یقیناً یہ جواب دیں گے کہ اللہ نے، پھر یہ کہاں الٹے جاتے ہیں؟

اور ان کا (پیغمبر کا اکثر) یہ کہنا¹ کہ اے میرے رب! یقیناً یہ وه لوگ ہیں جو ایمان نہیں ﻻتے.

پس آپ ان سے منھ پھیر لیں اور کہہ دیں۔ (اچھا بھائی) سلام¹! انہیں عنقریب (خود ہی) معلوم ہوجائے گا.