قٓ ۚوَٱلْقُرْءَانِٱلْمَجِيدِ١

ق! بہت بڑی شان والے اس قرآن کی قسم ہے.¹

بلکہ انہیں تعجب معلوم ہوا کہ ان کے پاس انہی میں سے ایک آگاه کرنے واﻻ آیا تو کافروں نے کہا کہ یہ ایک عجیب چیز ہے.¹

کیا جب ہم مر کر مٹی ہو جائیں گے۔ پھر یہ واپسی دور (از عقل) ہے.¹

زمین جو کچھ ان سے گھٹاتی ہے وه ہمیں معلوم ہے اور ہمارے پاس سب یاد رکھنے والی کتاب ہے.¹

بلکہ انہوں نے سچی بات کو جھوٹ کہا ہے جبکہ وه ان کے پاس پہنچ چکی پس وه ایک الجھاؤ میں پڑ گئے ہیں.¹

کیا انہوں نے آسمان کو اپنے اوپر نہیں دیکھا؟ کہ ہم نے اسے کس طرح بنایا ہے¹ اور زینت دی ہے² اس میں کوئی شگاف نہیں.³

اور زمین کو ہم نے بچھا دیا اور اس میں ہم نے پہاڑ ڈال دیئے ہیں اور اس میں ہم نے قسم قسم کی خوشنما چیزیں اگا دی ہیں.¹

تاکہ ہر رجوع کرنے والے بندے کے لئے بینائی اور دانائی کا ذریعہ ہو.¹

اور ہم نے آسمان سے بابرکت پانی برسایا اور اس سے باغات اور کٹنے والے کھیت کے غلے پیدا کیے.¹

اور کھجوروں کے بلند وباﻻ درخت جن کے خوشے تہ بہ تہ ہیں.¹

بندوں کی روزی کے لئے اور ہم نے پانی سے مرده شہر کو زنده کر دیا۔ اسی طرح (قبروں سے) نکلنا ہے.¹

ان سے پہلے نوح کی قوم نے اور رس والوں¹ نے اور ﺛمود نے.

اور عاد نے فرعون نے اور برادران لوط نے.

اور ایکہ¹ والوں نے تبع کی قوم² نے بھی تکذیب کی تھی۔ سب نے پیغمبروں کو جھٹلایا³ پس میرا وعدہٴ عذاب ان پر صادق آگیا.

کیا ہم پہلی بار کے پیدا کرنے سے تھک گئے¹؟ بلکہ یہ لوگ نئی پیدائش کی طرف سے شک میں ہیں.²