وَنَبِّئْهُمْأَنَّٱلْمَآءَقِسْمَةٌۢبَيْنَهُمْ ۖكُلُّشِرْبٍۢمُّحْتَضَرٌۭ٢٨

ہاں انہیں خبر کر دے کہ پانی ان میں تقسیم شده ہے¹، ہرایک اپنی باری پر حاضر ہوگا.²

انہوں نے اپنے ساتھی کو آواز دی¹ جس نے (اونٹنی پر) وار کیا² اور (اس کی) کوچیں کاٹ دیں.

پس کیونکر ہوا میرا عذاب اور میرا ڈرانا.

ہم نے ان پر ایک چیﺦ بھیجی پس ایسے ہو گئے جیسے باڑ بنانے والے کی روندی ہوئی گھاس.¹

اور ہم نے نصیحت کے لیے قرآن کو آسان کر دیا ہے پس کیا ہے کوئی جو نصیحت قبول کرے.

قوم لوط نے بھی ڈرانے والوں کی تکذیب کی.

بیشک ہم نے ان پر پتھر برسانے والی ہوا بھیجی¹ سوائے لوط (علیہ السلام) کے گھر والوں کے، انہیں ہم نے سحر کے وقت نجات دے دی.²

اپنے احسان سے¹ ہر ہر شکر گزار کو ہم اسی طرح بدلہ دیتے ہیں.

یقیناً (لوط علیہ السلام) نے انہیں ہماری پکڑ سے ڈرایا¹ تھا لیکن انہوں نے ڈرانے والوں کے بارے میں (شک وشبہ اور) جھگڑا کیا.²

اور ان (لوط علیہ السلام) کو ان کے مہمانوں کے بارے میں پھسلایا¹ پس ہم نے ان کی آنکھیں اندھی کردیں²، (اور کہہ دیا) میرا عذاب اور میرا ڈرانا چکھو.

اور یقینی بات ہے کہ انہیں صبح سویرے ہی ایک جگہ پکڑنے والے مقرره عذاب نے غارت کر دیا.¹

پس میرے عذاب اور میرے ڈراوے کا مزه چکھو.

اور یقیناً ہم نے قرآن کو پند ووعﻆ کے لیے آسان کر دیا ہے¹۔ پس کیا کوئی ہے نصحیت پکڑنے واﻻ.

اور فرعونیوں کے پاس بھی ڈرانے والے آئے.¹

انہوں نے ہماری تمام نشانیاں جھٹلائیں¹ پس ہم نے انہیں بڑے غالب قوی پکڑنے والے کی طرح پکڑ لیا.²

(اے قریشیو!) کیا تمہارے کافر ان کافروں سے کچھ بہتر ہیں¹؟ یا تمہارے لیے اگلی کتابوں میں چھٹکارا لکھا ہوا ہے؟²

یا یہ کہتے ہیں کہ ہم غلبہ پانے والی جماعت ہیں.¹

عنقریب یہ جماعت شکست دی جائےگی اور پیٹھ دے کر بھاگے گی.¹

بلکہ قیامت کی گھڑی ان کے وعدے کے وقت ہے اور قیامت بڑی سخت اور کڑوی چیز ہے.¹

بیشک گناه گار گمراہی میں اور عذاب میں ہیں.

جس دن وه اپنے منھ کے بل آگ میں گھسیٹے جائیں گے (اوران سے کہا جائے گا) دوزخ کی آگ لگنے کے مزے چکھو.¹

بیشک ہم نے ہر چیز کو ایک (مقرره) اندازے پر پیدا کیا ہے.¹