وَمَآأَمْرُنَآإِلَّاوَٰحِدَةٌۭكَلَمْحٍۭبِٱلْبَصَرِ٥٠

اور ہمارا حکم صرف ایک دفعہ (کا ایک کلمہ) ہی ہوتا ہے جیسے آنکھ کا جھپکنا.

اور ہم نے تم جیسے بہتیروں کو ہلاک کر دیا ہے¹، پس کوئی ہے نصیحت لینے واﻻ.

جوکچھ انہوں نے (اعمال) کیے ہیں سب نامہٴ اعمال میں لکھے ہوئے ہیں.¹

(اسی طرح) ہر چھوٹی بڑی بات بھی لکھی ہوئی ہے.¹

یقیناً ہمارا ڈر رکھنے والے جنتوں اور نہروں میں ہوں گے.¹

راستی اور عزت کی بیٹھک میں¹ قدرت والے بادشاه کے پاس.²

رحمٰن نے.

قرآن سکھایا.¹

اسی نے انسان کو پیدا کیا.¹

اور اسے بولنا سکھایا.¹

آفتاب اور ماہتاب (مقرره) حساب سے ہیں.¹

اور ستارے اور درخت دونوں سجده کرتے ہیں.¹

اسی نے آسمان کو بلند کیا اور اسی نے ترازو رکھی.¹

تاکہ تم تولنے میں تجاوز نہ کرو.¹

انصاف کے ساتھ وزن کو ٹھیک رکھو اور تول میں کم نہ دو.

اور اسی نے مخلوق کے لیے زمین بچھا دی.

جس میں میوے ہیں اور خوشے والے کھجور کے درخت ہیں.¹

اور بھس واﻻ اناج ہے¹۔ اور خوشبودار پھول ہیں.

پس (اے انسانو اور جنو!) تم اپنے پروردگار کی کس کس نعمت کو جھٹلاؤ گے؟¹

اس نےانسان کو بجنے والی مٹی سے پیدا کیا جو ٹھیکری کی طرح تھی.¹

اور جنات کو آگ کے شعلے سے پیدا کیا.¹

پس تم اپنے رب کی کس کس نعمت کو جھٹلاؤ گے؟¹