رَبُّٱلْمَشْرِقَيْنِوَرَبُّٱلْمَغْرِبَيْنِ١٧

وه رب ہے دونوں مشرقوں اور دونوں مغربوں کا¹

تو (اے جنو اورانسانو!) تم اپنے رب کی کس کس نعمت کو جھٹلاؤ گے؟

اس نے دو دریا جاری کر دیے جو ایک دوسرے سے مل جاتے ہیں.

ان دونوں میں ایک آڑ ہے کہ اس سے بڑھ نہیں سکتے.¹

پس اپنے پروردگار کی کون کون سی نعمت کو جھٹلاؤ گے؟

ان دونوں میں سے موتی اور مونگے برآمد ہوتے ہیں.¹

پھر تم اپنے رب کی کس کس نعمت کو جھٹلاؤ گے؟¹

اور اللہ ہی کی (ملکیت میں) ہیں وه جہاز جو سمندروں میں پہاڑ کی طرح بلند (چل پھر رہے) ہیں.¹

پس (اے انسانو اور جنو!) تم اپنے رب کی کس کس نعمت کو جھٹلاؤ گے؟¹

زمین پر جو ہیں سب فنا ہونے والے ہیں.

صرف تیرے رب کی ذات جو عظمت اور عزت والی ہے باقی ره جائے گی.

پھرتم اپنے رب کی کس کس نعمت کو جھٹلاؤ گے؟¹

سب آسمان وزمین والے اسی سے مانگتے ہیں¹۔ ہر روز وه ایک شان میں ہے.²

پھر تم اپنے رب کی کس کس نعمت کو جھٹلاؤ گے؟¹

(جنوں اور انسانوں کے گروہو!) عنقریب ہم تمہاری طرف پوری طرح متوجہ ہو جائیں گے.¹

پھر تم اپنے رب کی کس کس نعمت کو جھٹلاؤگے؟

اے گروه جنات و انسان! اگر تم میں آسمانوں اور زمین کے کناروں سے باہر نکل جانے کی طاقت ہے تو نکل بھاگو¹! بغیر غلبہ اور طاقت کے تم نہیں نکل سکتے.²

پھر تم اپنے رب کی کس کس نعمت کو جھٹلاؤ گے؟

تم پر آگ کے شعلے اور دھواں چھوڑا جائے گا¹ پھر تم مقابلہ نہ کر سکو گے.²

پھر اپنے رب کی نعمتوں میں سے کس کس نعمت کو جھٹلاؤ گے؟

پس جب کہ آسمان پھٹ کر سرخ ہو جائے جیسے کہ سرخ چمڑه.¹

پس تم اپنے رب کی کس کس نعمت کو جھٹلاؤ گے؟

اس دن کسی انسان اورکسی جن سے اس کے گناہوں کی پرسش نہ کی جائے گی.¹

پس تم اپنے رب کی کس کس نعمت کو جھٹلاؤ گے؟