إِنَّهُۥلَقُرْءَانٌۭكَرِيمٌۭ٧٧

کہ بیشک یہ قرآن بہت بڑی عزت واﻻ ہے.¹

جو ایک محفوظ کتاب میں درج ہے ¹

جسے صرف پاک لوگ ہی چھو سکتے ہیں.¹

یہ رب العالمین کی طرف سےاترا ہوا ہے.

پس کیا تم ایسی بات کو سرسری (اور معمولی) سمجھ رہے ہو؟¹

اور اپنے حصے میں یہی لیتے ہو کہ جھٹلاتے پھرو.

پس جبکہ روح نرخرے تک پہنچ جائے.

اور تم اس وقت آنکھوں سے دیکھتے رہو.¹

ہم اس شخص سے بہ نسبت تمہارے بہت زیاده قریب ہوتے ہیں¹ لیکن تم نہیں دیکھ سکتے.²

پس اگر تم کسی کے زیرفرمان نہیں.

اور اس قول میں سچے ہو تو (ذرا) اس روح کو تو لوٹاؤ.¹

پس جو کوئی بارگاه الٰہی سے قریب کیا ہوا ہوگا.¹

اسے تو راحت ہے اور غذائیں ہیں اور آرام والی جنت ہے.

اور جو شحص داہنے (ہاتھ) والوں میں سے ہے.¹

تو بھی سلامتی ہے تیرے لیے کہ تو داہنے والوں میں سے ہے.

لیکن اگر کوئی جھٹلانے والوں گمراہوں میں سے ہے.¹

تو کھولتے ہوئے گرم پانی کی مہمانی ہے.

اور دوزخ میں جانا ہے.

یہ خبر سراسر حق اور قطعاً یقینی ہے.

پس تواپنے عظیم الشان پروردگار کی تسبیح کر.¹

آسمانوں اور زمین میں جو ہے (سب) اللہ کی تسبیح کر رہے ہیں¹، وه زبردست باحکمت ہے.

آسمانوں اور زمین کی بادشاہت اسی کی ہے¹، وہی زندگی دیتا ہے اور موت بھی اور وه ہر چیز پر قادر ہے.

وہی پہلے ہے اور وہی پیچھے، وہی ﻇاہر ہے اور وہی مخفی¹، اور وه ہر چیز کو بخوبی جاننے واﻻ ہے.