فَلَآأُقْسِمُبِرَبِّٱلْمَشَـٰرِقِوَٱلْمَغَـٰرِبِإِنَّالَقَـٰدِرُونَ٤٠

پس مجھے قسم ہے مشرقوں اور مغربوں¹ کے رب کی (کہ) ہم یقیناً قادر ہیں.

اس پر کہ ان کے عوض ان سے اچھے لوگ لے آئیں¹ اور ہم عاجز نہیں ہیں.²

پس تو انہیں جھگڑتا کھیلتا چھوڑ دے¹ یہاں تک کہ یہ اپنے اس دن سے جاملیں جس کا ان سے وعده کیا جاتا ہے.

جس دن یہ قبروں سے دوڑتے ہوئے نکلیں گے، گویا کہ وه کسی جگہ کی طرف تیز تیز جا رہے ہیں.¹

ان کی آنکھیں جھکی ہوئی ہوں گی¹، ان پر ذلت چھا رہی ہوگی²، یہ ہے وه دن جس کا ان سے وعده کیا جاتا تھا.³

یقیناً ہم نے نوح (علیہ السلام) کو ان کی قوم کی طرف¹ بھیجا کہ اپنی قوم کو ڈرا دو (اور خبردار کردو) اس سے پہلے کہ ان کے پاس دردناک عذاب آجائے.²

(نوح علیہ السلام نے) کہا اے میری قوم! میں تمہیں صاف صاف ڈرانے واﻻ ہوں.¹

کہ تم اللہ کی عبادت کرو¹ اور اسی سے ڈرو² اور میرا کہا مانو.³

تو وه تمہارے گناه بخش دے گا اور تمہیں ایک وقت مقرره تک چھوڑ دے گا¹۔ یقیناً اللہ کا وعده جب آجاتا ہے تو مؤخر نہیں ہوتا²۔ کاش کہ تمہیں سمجھ ہوتی.³

(نوح علیہ السلام نے) کہا اے میرے پرورگار! میں نے اپنی قوم کو رات دن تیری طرف بلایا ہے.¹

مگر میرے بلانے سے یہ لوگ اور زیاده بھاگنے لگے.¹

میں نے جب کبھی انہیں تیری بخشش کے لیے بلایا¹ انہوں نے اپنی انگلیاں اپنے کانوں میں ڈال لیں² اور اپنے کپڑوں کو اوڑھ لیا³ اور اڑ گئے⁴ اور بڑا تکبر کیا.⁵

پھر میں نے انہیں بﺂواز بلند بلایا.

اور بیشک میں نےان سے علانیہ بھی کہا اور چپکے چپکے بھی.¹

اور میں نے کہا کہ اپنے رب سے اپنے گناه بخشواؤ¹ (اور معافی مانگو) وه یقیناً بڑا بخشنے واﻻ ہے.²