إِنَّهُۥفَكَّرَوَقَدَّرَ١٨

اس نے غور کرکے تجویز کی.¹

اسے ہلاکت ہو کیسی (تجویز) سوچی؟

وه پھر غارت ہو کس طرح اندازه کیا.¹

اس نے پھر دیکھا.¹

پھر تیوری چڑھائی اور منھ بنایا.¹

پھر پیچھے ہٹ گیا اور غرور کیا.¹

اور کہنے لگا تو یہ صرف جادو ہے جو نقل کیا جاتا ہے.¹

سوائے انسانی کلام کے کچھ بھی نہیں ہے.

میں عنقریب اسے دوزخ میں ڈالوں گا.

اور تجھے کیا خبر کہ دوزخ کیا چیز ہے؟¹

نہ وه باقی رکھتی ہے نہ چھوڑتی ہے.¹

کھال کو جھلسا دیتی ہے.

اور اس میں انیس (فرشتے مقرر) ہیں.¹

ہم نے دوزخ کے داروغے صرف فرشتے رکھے ہیں۔ اور ہم نے ان کی تعداد صرف کافروں کی آزمائش کے لیے مقرر کی ہے¹ تاکہ اہل کتاب یقین کرلیں²، اوراہل ایمان کے ایمان میں اضافہ ہو جائے³ اور اہل کتاب اور اہل ایمان شک نہ کریں اور جن کے دلوں میں بیماری ہے وه اور کافر کہیں کہ اس بیان سے اللہ تعالیٰ کی کیا مراد ہے⁴؟ اسی طرح اللہ تعالیٰ جسے چاہتا ہے گمراه کرتا ہے اور جسے چاہتا ہے ہدایت دیتا ہے⁵۔ تیرے رب کے لشکروں کو اس کے سوا کوئی نہیں جانتا⁶، یہ تو کل بنی آدم کے لیے سراسر پند ونصیحت ہے.⁷

سچ کہتا ہوں¹ قسم ہے چاند کی.²

اور رات کی جب وه پیچھے ہٹے.

اور صبح کی جب کہ روشن ہو جائے.

کہ (یقیناً وه جہنم) بڑی چیزوں میں سے ایک ہے.¹

بنی آدم کو ڈرانے والی.

(یعنی) اسے¹ جو تم میں سے آگے بڑھنا چاہے یا پیچھے ہٹنا چاہے.²

ہر شخص اپنے اعمال کے بدلے میں گروی ہے.¹

مگر دائیں ہاتھ والے.¹

کہ وه بہشتوں میں (بیٹھے ہوئے) گناه گاروں سے.

سوال کرتے ہوں گے.¹

تمہیں دوزخ میں کس چیز نے ڈاﻻ.

وه جواب دیں گے کہ ہم نمازی نہ تھے.

نہ مسکینوں کو کھانا کھلاتے تھے.¹

اور ہم بحﺚ کرنے والے (انکاریوں) کا ساتھ دے کر بحﺚ مباحثہ میں مشغول رہا کرتے تھے.¹

اور روز جزا کو جھٹلاتے تھے.

یہاں تک کہ ہمیں موت آگئی.¹