كَلَّابَلْتُحِبُّونَٱلْعَاجِلَةَ٢٠

نہیں نہیں تم جلدی ملنے والی (دنیا) کی محبت رکھتے ہو.

اور آخرت کو چھوڑ بیٹھے ہو.¹

اس روز بہت سے چہرے تروتازه اور بارونق ہوں گے.

اپنے رب کی طرف دیکھتے ہوں گے.¹

اور کتنے چہرے اس دن (بد رونق اور) اداس ہوں گے.¹

سمجھتے ہوں گے کہ ان کے ساتھ کمر توڑ دینے واﻻ معاملہ¹ کیا جائے گا.

نہیں نہیں¹ جب روح ہنسلی تک² پہنچے گی.

اور کہا جائے گا کہ کوئی جھاڑ پھونک¹ کرنے واﻻ ہے؟

اور جان لیا اس نے کہ یہ وقت جدائی ہے.¹

اور پنڈلی سے پنڈلی لپٹ جائے گی.¹

آج تیرے پروردگار کی طرف چلنا ہے.

اس نے نہ تو تصدیق کی نہ نماز ادا کی.¹

بلکہ جھٹلایا اور روگردانی کی.¹

پھر اپنے گھر والوں کے پاس اتراتا ہوا گیا.¹

افسوس ہے تجھ پر حسرت ہے تجھ پر.

وائے ہے اور خرابی ہے تیرے لیے.¹

کیا انسان یہ سمجھتا ہے کہ اسے بیکار چھوڑ دیا جائے گا.¹

کیا وه ایک گاڑھے پانی کا قطره نہ تھا جو ٹپکایا گیا تھا؟

پھر وه لہو کا لوتھڑا ہوگیا پھر اللہ نے اسے پیدا کیا اور درست بنا دیا.¹

پھر اس سے جوڑے یعنی نر وماده بنائے.

کیا (اللہ تعالیٰ) اس (امر) پر قادر نہیں کہ مردے کو زنده کردے.¹

یقیناً گزرا ہے انسان پر ایک وقت زمانے میں¹ جب کہ یہ کوئی قابل ذکر چیز نہ تھا.

بیشک ہم نے انسان کو ملے جلے نطفے سے امتحان کے لیے¹ پیدا کیا اور اس کو سنتا دیکھتا بنایا.²

ہم نے اسے راه دکھائی اب خواه وه شکر گزار بنے خواه ناشکرا.¹

یقیناً ہم نے کافروں کے لیے زنجیریں اور طوق اور شعلوں والی آگ تیار کر رکھی ہے. ¹

بیشک نیک لوگ وه جام پئیں گے جس کی آمیزش کافور کی ہے.¹