وَمِنَٱلَّيْلِفَٱسْجُدْلَهُۥوَسَبِّحْهُلَيْلًۭاطَوِيلًا٢٦

اور رات کے وقت اس کے سامنے سجدے کر اور بہت رات تک اس کی تسبیح کیا کر.¹

بیشک یہ لوگ جلدی ملنے والی (دنیا) کو چاہتے ہیں¹ اور اپنے پیچھے ایک بڑے بھاری دن کو چھوڑے دیتے ہیں.²

ہم نے انہیں پیدا کیا اور ہم نے ہی ان کے جوڑ اور بندھن مضبوط کیے¹ اور ہم جب چاہیں ان کے عوض ان جیسے اوروں کو بدل ﻻئیں.²

یقیناً یہ تو ایک نصیحت ہے پس جو چاہے اپنے رب کی راه لے لے.¹

اور تم نہ چاہو گے مگر یہ کہ اللہ تعالیٰ ہی چاہے¹ بیشک اللہ تعالیٰ علم واﻻ باحکمت ہے.²

جسے چاہے اپنی رحمت میں داخل کرلے، اور ﻇالموں کے لیے اس نے دردناک عذاب تیار کر رکھا ہے.*

دل خوش کن چلتی ہواؤں کی قسم.¹

پھر زور سے جھونکا دینے والیوں کی قسم.*

پھر (ابر کو) ابھار کر پراگنده کرنے والیوں¹ کی قسم.

پھر حق وباطل کو جدا جدا کر دینے والے.¹

اور وحی ﻻنے والے فرشتوں کی قسم.¹

جو (وحی) الزام اتارنے یا آگاه کردینے کے لیے ہوتی ہے.¹

جس چیز کا تم سے وعده کیا جاتا ہے وہ یقیناً ہونے والی ہے.¹

پس جب ستارے بے نور کردئے جائیں گے.¹

اور جب آسمان توڑ پھوڑ دیا جائے گا.

اور جب پہاڑ ٹکڑے ٹکڑے کر کے اڑا دیئے جائیں گے.¹

اور جب رسولوں کو وقت مقرره پر ﻻیا جائے گا.¹

کس دن کے لیے (ان سب کو) مؤخر کیا گیا ہے؟¹

فیصلے کے دن کے لیے.¹

اور تجھے کیا معلوم کہ فیصلے کا دن کیا ہے؟

اس دن جھٹلانے والوں کی خرابی ہے.¹

کیا ہم نے اگلوں کو ہلاک نہیں کیا؟

پھر ہم ان کے بعد پچھلوں کو ﻻئے.¹

ہم گنہگاروں کے ساتھ اسی طرح کرتے ہیں.¹

اس دن جھٹلانے والوں کے لیے ویل (افسوس) ہے.