أَلَمْنَخْلُقكُّممِّنمَّآءٍۢمَّهِينٍۢ٢٠

کیا ہم نے تمہیں حقیر پانی سے (منی سے) پیدا نہیں کیا.

پھر ہم نے اسے مضبوط ومحفوظ جگہ میں رکھا.¹

ایک مقرره وقت تک.¹

پھر ہم نے اندازه کیا¹ اور ہم کیا خوب اندازه کرنے والے ہیں.

اس دن تکذیب کرنے والوں کی خرابی ہے.

کیا ہم نے زمین کو سمیٹنے والی نہیں بنایا؟

زندوں کو بھی اور مردوں کو بھی.¹

اور ہم نے اس میں بلند وبھاری پہاڑ بنادیے¹ اور تمہیں سیراب کرنے واﻻ میٹھا پانی پلایا.

اس دن جھٹلانے والوں کے لیے وائے اور افسوس ہے.

اس دوزخ کی طرف جاؤ جسے تم جھٹلاتے رہے تھے.¹

چلو تین شاخوں والے سائے کی طرف.¹

جو در اصل نہ سایہ دینے واﻻ ہے اور نہ شعلے سے بچاسکتا ہے.¹

یقیناً دوزخ چنگاریاں پھینکتی ہے جو مثل محل کے ہیں.¹

گویا کہ وه زرد اونٹ ہیں.¹

آج ان جھٹلانے والوں کی درگت ہے.

آج (کا دن) وه دن ہے کہ یہ بول بھی نہ سکیں گے.¹

نہ انہیں معذرت کی اجازت دی جائے گی.¹

اس دن جھٹلانے والوں کی خرابی ہے.*

یہ ہے فیصلے کا دن ہم نے تمہیں اور اگلوں کو سب کو جمع کرلیا ہے.¹

پس اگر تم مجھ سے کوئی چال چل سکتے ہو تو چل لو.¹

وائے ہے اس دن جھٹلانے والوں کے لیے.

بیشک پرہیزگار لوگ سایوں میں ہیں¹ اور بہتے چشموں میں.

اور ان میووں میں جن کی وه خواہش کریں. ¹

(اے جنتیو!) کھاؤ پیو مزے سےاپنے کیے ہوئے اعمال کے بدلے.¹

یقیناً ہم نیکی کرنے والوں کو اسی طرح جزا دیتے ہیں.¹

اس دن سچا نہ جاننے والوں کے لیے ویل (افسوس) ہے.¹

(اے جھٹلانے والو) تم دنیا میں تھوڑا سا کھا لو اور فائده اٹھا لو بیشک تم گنہگار ہو.¹

اس دن جھٹلانے والوں کے لیے سخت ہلاکت ہے.

ان سے جب کہا جاتا ہے کہ رکوع کر لو تو نہیں کرتے.¹

اس دن جھٹلانے والوں کی تباہی ہے.¹

اب اس قرآن کے بعد کس بات پر ایمان ﻻئیں گے؟¹