يَقُولُيَـٰلَيْتَنِىقَدَّمْتُلِحَيَاتِى٢٤

وه کہے گا کہ کاش کہ میں نے اپنی اس زندگی کے لئے کچھ پیشگی سامان کیا ہوتا.¹

پس آج اللہ کے عذاب جیسا عذاب کسی کا نہ ہوگا.

نہ اسکی قید وبند جیسی کسی کی قید وبند ہوگی.¹

اے اطمینان والی روح.

تو اپنے رب کی طرف¹ لوٹ چل اس طرح کہ تو اس سے راضی وه تجھ سے خوش.

پس میرے خاص بندوں میں داخل ہو جا.

اور میری جنت میں چلی جا.

میں اس شہر کی قسم کھاتا ہوں.¹

اور آپ اس شہر میں مقیم ہیں.¹

اور (قسم ہے) انسانی باپ اور اوﻻد کی.¹

یقیناً ہم نے انسان کو (بڑی) مشقت میں پیدا کیا ہے.¹

کیا یہ گمان کرتا ہے کہ یہ کسی کے بس میں ہی نہیں؟¹

کہتا (پھرتا) ہے کہ میں نے تو بہت کچھ مال خرچ کر ڈاﻻ.¹

کیا (یوں) سمجھتا ہے کہ کسی نے اسے دیکھا (ہی) نہیں؟¹

کیا ہم نے اس کی دو آنکھیں نہیں بنائیں.¹

اور زبان اور دو ہونٹ (نہیں بنائے).¹

ہم نے دکھا دیئے اس کو دونوں راستے.¹

سو اس سے نہ ہو سکا کہ گھاٹی میں داخل ہوتا.¹

اور کیا سمجھا کہ گھاٹی ہے کیا؟.

کسی گردن (غلام ،لونڈی) کو آزاد کرنا.

یا بھوک والے دن کھانا کھلانا.

کسی رشتہ دار یتیم کو.

یا خاکسار مسکین کو.¹

پھر ان لوگوں میں سے ہو جاتا جو ایمان ﻻتے¹ اور ایک دوسرے کو صبر کی اور رحم کرنے کی وصیت کرتے ہیں.²

یہی لوگ ہیں دائیں بازو والے (خوش بختی والے).

اور جن لوگوں نے ہماری آیتوں کے ساتھ کفر کیا یہ کم بختی والے ہیں.

انہی پر آگ ہوگی جو چاروں طرف سے گھیری¹ ہوئی ہوگی.