وَٱلتِّينِوَٱلزَّيْتُونِ١

قسم ہے انجیر کی اور زیتون کی.

اور طور سِینِین کی.¹

اور اس امن والے شہر کی.¹

یقیناً ہم نے انسان کو بہترین صورت میں پیدا کیا.¹

پھر اسے نیچوں سے نیچا کر دیا.¹

لیکن جو لوگ ایمان ﻻئے اور (پھر) نیک عمل کیے تو ان کے لئے ایسا اجر ہے جو کبھی ختم نہ ہوگا.¹

پس تجھے اب روز جزا کے جھٹلانے پر کون سی چیز آماده کرتی ہے.¹

کیا اللہ تعالیٰ (سب) حاکموں کا حاکم نہیں ہے.¹

پڑھ اپنے رب کے نام سے جس نے پیدا کیا.¹

جس نے انسان کو خون کے لوتھڑے سے پیدا کیا.¹

تو پڑھتا ره تیرا رب بڑے کرم واﻻ ہے.¹

جس نے قلم کے ذریعے (علم) سکھایا.¹

جس نے انسان کو وه سکھایا جسے وه نہیں جانتا تھا.

سچ مچ انسان تو آپے سے باہر ہو جاتا ہے.

اس لئے کہ وه اپنے آپ کو بے پروا (یا تونگر) سمجھتا ہے.

یقیناً لوٹنا تیرے رب کی طرف ہے.

(بھلا) اسے بھی تو نے دیکھا جو بندے کو روکتا ہے.

جبکہ وه بنده نماز ادا کرتا ہے.¹

بھلا بتلا تو اگر وه ہدایت پر ہو.¹

یا پرہیز گاری کا حکم دیتا ہو.¹

بھلا دیکھو تو اگر یہ جھٹلاتا ہو اور منھ پھیرتا ہو تو.¹

کیا اس نے نہیں جانا کہ اللہ تعالیٰ اسے خوب دیکھ رہا ہے.¹

یقیناً اگر یہ باز نہ رہا تو ہم اس کی پیشانی کے بال پکڑ کر گھسیٹیں گے.¹

ایسی پیشانی جو جھوٹی خطا کار ہے.¹

یہ اپنی مجلس والوں کو بلالے.

ہم بھی (دوزخ کے) پیادوں کو بلالیں گے.¹

خبردار! اس کا کہنا ہرگز نہ ماننا اور سجده کر اور قریب ہو جا.*