إِنَّآأَنزَلْنَـٰهُفِىلَيْلَةِٱلْقَدْرِ١

یقیناً ہم نے اسے شب قدر میں نازل فرمایا.¹

تو کیا سمجھا کہ شب قدر کیا ہے؟¹

شب قدر ایک ہزار مہینوں سے بہتر ہے.¹

اس (میں ہر کام) کے سر انجام دینے کو اپنے رب کے حکم سے فرشتے اور روح (جبرائیل) اترتے ہیں.¹

یہ رات سراسر سلامتی کی ہوتی ہے¹ اور فجر کے طلوع ہونے تک (رہتی ہے).

اہل کتاب کے کافر¹ اور مشرک² لوگ جب تک کہ ان کے پاس ظاہر دلیل نہ آجائے باز رہنے والے نہ تھے (وه دلیل یہ تھی کہ).

اللہ تعالیٰ کا ایک رسول¹ جو پاک صحیفے پڑھے.²

جن میں صحیح اور درست احکام ہوں.¹

اہل کتاب اپنے پاس ظاہر دلیل آجانے کے بعد ہی (اختلاف میں پڑ کر) متفرق ہوگئے.¹

انہیں اس کے سوا کوئی حکم نہیں دیا گیا¹ کہ صرف اللہ کی عبادت کریں اسی کے لئے دین کو خالص رکھیں۔ ابراہیم حنیف² کے دین پر اور نماز کو قائم رکھیں اور زکوٰة دیتے رہیں یہی ہے دین سیدھی ملت کا.³

بیشک جو لوگ اہل کتاب میں کافر ہوئے اور مشرکین سب دوزخ کی آگ میں (جائیں گے) جہاں وه ہمیشہ (ہمیشہ) رہیں گے۔ یہ لوگ بدترین خلائق ہیں.¹

بیشک جو لوگ ایمان ﻻئےاور نیک عمل کیے یہ لوگ بہترین خلائق ہیں.¹