الٓمٓ١

الم.

کیا لوگوں نے یہ گمان کر رکھا ہے کہ ان کے صرف اس دعوے پر کہ ہم ایمان ﻻئے ہیں ہم انہیں بغیر آزمائے ہوئے ہی چھوڑ دیں گے؟.¹

ان سے اگلوں کو بھی ہم نے خوب جانچا¹۔ یقیناً اللہ تعالیٰ انہیں بھی جان لے گا جو سچ کہتے ہیں اور انہیں بھی معلوم کرلے گا جو جھوٹے ہیں.

کیا جو لوگ برائیاں کر رہے ہیں انہوں نے یہ سمجھ رکھا ہے کہ وه ہمارے قابو سے باہر ہو جائیں گے¹، یہ لوگ کیسی بری تجویزیں کر رہے ہیں.²

جسے اللہ کی ملاقات کی امید ہو پس اللہ کا ٹھہرایا ہوا وقت یقیناً آنے واﻻ ہے¹، وه سب کچھ سننے واﻻ، سب کچھ جاننے واﻻ ہے.²

اور ہر ایک کوشش کرنے واﻻ اپنے ہی بھلے کی کوشش کرتا ہے۔ ویسے تو اللہ تعالیٰ تمام جہان والوں سے بےنیاز ہے.¹

اور جن لوگوں نے یقین کیا اور مطابق سنت کام کیے ہم ان کے تمام گناہوں کو ان سے دور کر دیں گے اور انہیں ان کے نیک اعمال کے بہترین بدلے دیں گے.¹

ہم نے ہر انسان کو اپنے ماں باپ کے ساتھ اچھا سلوک کرنے کی نصیحت کی ہے¹ ہاں اگر وه یہ کوشش کریں کہ آپ میرے ساتھ اسے شریک کرلیں جس کا آپ کو علم نہیں تو ان کا کہنا نہ مانیئے²، تم سب کا لوٹنا میری ہی طرف ہے پھر میں ہر اس چیز سے جو تم کرتے تھے تمہیں خبر دوں گا.

اور جن لوگوں نے ایمان قبول کیا اور نیک کام کیے انہیں میں اپنے نیک بندوں میں شمار کر لوں گا.¹

اور بعض لوگ ایسے بھی ہیں جو زبانی کہتے ہیں کہ ہم ایمان ﻻئے ہیں لیکن جب اللہ کی راه میں کوئی مشکل آن پڑتی ہے تو لوگوں کی ایذا دہی کو اللہ تعالیٰ کے عذاب کی طرح بنا لیتے ہیں¹، ہاں اگر اللہ کی مدد آجائے² تو پکار اٹھتے ہیں کہ ہم تو تمہارے ساتھی ہی ہیں³ کیا دنیا جہان کے سینوں میں جو کچھ ہے اس سے اللہ تعالیٰ دانا نہیں ہے؟⁴

جو لوگ ایمان ﻻئے اللہ انہیں بھی ﻇاہر کرکے رہے گا اور منافقوں کو بھی ﻇاہر کرکے رہے گا.¹

کافروں نے ایماں والوں سے کہا کہ تم ہماری راه کی تابعداری کرو تمہارے گناه ہم اٹھا لیں گے¹، حاﻻنکہ وه ان کے گناہوں میں سے کچھ بھی نہیں اٹھانے والے، یہ تو محض جھوٹے ہیں.²

البتہ یہ اپنے بوجھ ڈھولیں گے اور اپنے بوجھوں کے ساتھ ہی اور بوجھ بھی¹۔ اور جو کچھ افترا پردازیاں کر رہے ہیں ان سب کی بابت ان سے باز پرس کی جائے گی.

اور ہم نے نوح (علیہ السلام) کو ان کی قوم کی طرف بھیجا وه ان میں ساڑھے نو سو سال تک رہے¹، پھر تو انہیں طوفان نے دھر پکڑا اور وه تھے بھی ﻇالم.

پھر ہم نے انہیں اور کشتی والوں کو نجات دی اور اس واقعہ کو ہم نے تمام جہان کے لیے عبرت کا نشان بنا دیا.

اور ابراہیم (علیہ السلام) نے بھی اپنی قوم سے فرمایا کہ اللہ تعالیٰ کی عبادت کرو اوراس سے ڈرتے رہو، اگر تم میں دانائی ہے تو یہی تمہارے لیے بہتر ہے.

تم تو اللہ تعالیٰ کے سوا بتوں کی پوجا پاٹ کر رہے ہو اور جھوٹی باتیں دل سے گھڑ لیتے ہو¹۔ سنو! جن جنکی تم اللہ تعالیٰ کے سوا پوجا پاٹ کر رہے ہو وه تو تمہاری روزی کے مالک نہیں پس تمہیں چاہئے کہ تم اللہ تعالیٰ ہی سے روزیاں طلب کرو اور اسی کی عبادت کرو اور اسی کی شکر گزاری² کرو اور اسی کی طرف تم لوٹائے جاؤ گے.³

اور اگر تم جھٹلاؤ تو تم سے پہلے کی امتوں نے بھی جھٹلایا ہے¹، رسول کے ذمہ تو صرف صاف طور پر پہنچا دینا ہی ہے.²

کیا انہوں نے نہیں دیکھا کہ مخلوق کی ابتدا کس طرح اللہ نے کی پھر اللہ اس کا اعاده کرے گا¹، یہ تو اللہ تعالیٰ پر بہت ہی آسان ہے.²

کہہ دیجئے! کہ زمین میں چل پھر کر دیکھو تو سہی¹ کہ کس طرح اللہ تعالیٰ نے ابتداءً پیدائش کی۔ پھر اللہ تعالیٰ ہی دوسری نئی پیدائش کرے گا، اللہ تعالیٰ ہر چیز پر قادر ہے.

جسے چاہے عذاب کرے جس پر چاہے رحم کرے، سب اسی کی طرف لوٹائے جاؤ گے.¹

تم نہ تو زمین میں اللہ تعالیٰ کو عاجز کرسکتے ہو نہ آسمان میں، اللہ تعالیٰ کے سوا تمہارا کوئی والی ہے نہ مددگار.

جو لوگ اللہ تعالیٰ کی آیتوں اور اس کی ملاقات کو بھلاتے ہیں وه میری رحمت سے ناامید ہو جائیں¹ اور ان کے لیے دردناک عذاب ہے.

ان کی قوم کا جواب بجز اس کے کچھ نہ تھا کہ کہنے لگے کہ اسے مار ڈالو یا اسے جلا دو¹۔ آخر اللہ نے انہیں آگ سے بچا لیا²، اس میں ایمان والے لوگوں کے لیے تو بہت سی نشانیاں ہیں.

(حضرت ابراہیم علیہ السلام نے) کہا کہ تم نے جن بتوں کی پرستش اللہ کے سوا کی ہے انہیں تم نے اپنی آپس کی دنیوی دوستی کی بنا ٹھہرا لی ہے¹، تم سب قیامت کے دن ایک دوسرے سے کفر کرنے لگو گے² اور ایک دوسرے پر لعنت کرنے لگو گے۔ اور تمہارا سب کا ٹھکانہ دوزخ ہوگا اور تمہارا کوئی مددگار نہ ہوگا.

پس حضرت ابراہیم (علیہ السلام) پر حضرت لوط (علیہ السلام) ایمان ﻻئے¹ اور کہنے لگے کہ میں اپنے رب کی طرف ہجرت کرنے واﻻ ہوں²۔ وه بڑا ہی غالب اور حکیم ہے.

اور ہم نے انھیں (ابراہیم کو) اسحاق ویعقوب (علیہما السلام) عطا کیے اور ہم نے نبوت اور کتاب ان کی اوﻻد میں ہی کر دی¹ اور ہم نے دنیا میں بھی اسے ﺛواب دیا ²اور آخرت میں تو وه صالح لوگوں میں سے ہیں.³

اور حضرت لوط (علیہ السلام) کا بھی ذکر کرو جب کہ انہوں نے اپنی قوم سے فرمایا کہ تم تو اس بدکاری پر اتر آئے¹ ہو جسے تم سے پہلے دنیا بھر میں سے کسی نے نہیں کیا.

کیا تم مردوں کے پاس بدفعلی کے لیے آتے ہو¹ اور راستے بند کرتے ہو² اور اپنی عام مجلسوں میں بے حیائیوں کا کام کرتے ہو³؟ اس کے جواب میں اس کی قوم نے بجز اس کے اور کچھ نہیں کہا کہ بس⁴ جا اگر سچا ہے تو ہمارے پاس اللہ تعالیٰ کا عذاب لے آ.

حضرت لوط (علیہ السلام) نے دعا کی¹ کہ پروردگار! اس مفسد قوم پر میری مدد فرما.

اور جب ہمارے بھیجے ہوئے فرشتے ابراہیم (علیہ السلام) کے پاس بشارت لے کر پہنچے کہنے لگے کہ اس بستی والوں کو ہم ہلاک کرنے والے ہیں¹، یقیناً یہاں کے رہنے والے گنہگار ہیں.

(حضرت ابراہیم علیہ السلام نے) کہا اس میں تو لوط (علیہ السلام) ہیں، فرشتوں نے کہا یہاں جو ہیں ہم انہیں بخوبی جانتے ہیں¹۔ لوط (علیہ السلام) کو اور اس کے خاندان کو سوائے اس کی بیوی کے ہم بچالیں گے، البتہ وه عورت پیچھے ره جانے والوں میں سے ہے.²

پھر جب ہمارے قاصد لوط (علیہ السلام) کے پاس پہنچے تو وه ان کی وجہ سے غمگین ہوئے اور دل ہی دل میں رنج کرنے لگے¹۔ قاصدوں نے کہا آپ نہ خوف کھایئے نہ آزرده ہوں، ہم آپ کو مع آپ کے متعلقین کے بچالیں گے مگر آپ کی² بیوی کہ وه عذاب کے لیے باقی ره جانے والوں میں سے ہوگی.

ہم اس بستی والوں پر آسمانی عذاب نازل کرنے والے ہیں¹ اس وجہ سے کہ یہ بےحکم ہو رہے ہیں.

البتہ ہم نے اس بستی کو صریح عبرت کی نشانی بنا دیا¹ ان لوگوں کے لیے جو عقل رکھتے ہیں.²

اور مدین کی طرف¹ ہم نے ان کے بھائی شعیب (علیہ السلام) کو بھیجا انہوں نے کہا اے میری قوم کے لوگو! اللہ کی عبادت کرو قیامت کے دن کی توقع رکھو² اور زمین میں فساد نہ کرتے پھرو.³

پھر بھی انہوں نے انہیں جھٹلایا آخر انہیں زلزلے نے پکڑ لیا اور وه اپنے گھروں میں بیٹھے کے بیٹھے مرده ہو کر ره گئے.¹

اور ہم نے عادیوں اور ﺛمودیوں کو بھی غارت کیا جن کے بعض مکانات تمہارے سامنے ﻇاہر ہیں¹ اور شیطان نے انہیں ان کی بداعمالیاں آراستہ کر دکھائی تھیں اور انہیں راه سے روک دیا تھا باوجودیکہ یہ آنکھوں والے اور ہوشیار تھے.²

اور قارون اور فرعون اور ہامان کو بھی، ان کے پاس حضرت موسیٰ (علیہ السلام) کھلے کھلے معجزے لے کر آئے تھے¹ پھر بھی انہوں نے زمین میں تکبر کیا لیکن ہم سے آگے بڑھنے والے نہ ہو سکے.²

پھر تو ہر ایک کو ہم نے اس کے گناه کے وبال میں گرفتار کر لیا¹، ان میں سے بعض پر ہم نے پتھروں کا مینہ برسایا² اور ان میں سے بعض کو زور دار سخت آواز نے دبوچ لیا³ اور ان میں سے بعض کو ہم نے زمین میں دھنسا دیا⁴ اور ان میں سے بعض کو ہم نے ڈبو دیا⁵، اللہ تعالیٰ ایسا نہیں کہ ان پر ﻇلم کرے بلکہ یہی لوگ اپنی جانوں پر ﻇلم کرتے تھے.⁶

جن لوگوں نے اللہ تعالیٰ کے سوا اور کارساز مقرر کر رکھے ہیں ان کی مثال مکڑی کی سی ہے کہ وه بھی ایک گھر بنا لیتی ہے، حاﻻنکہ تمام گھروں سے زیاده بودا گھر مکڑی کا گھر ہی ہے¹، کاش! وه جان لیتے.

اللہ تعالیٰ ان تمام چیزوں کو جانتا ہے جنہیں وه اس کے سوا پکار رہے ہیں، وه زبردست اور ذی حکمت ہے

ہم ان مثالوں کو لوگوں کے لیے بیان فرما رہے ہیں¹ انہیں صرف علم والے ہی سمجھتے ہیں.²

اللہ تعالیٰ نے آسمانوں اور زمین کو مصلحت اور حق کے ساتھ پیدا کیا ہے¹، ایمان والوں کے لیے تو اس میں بڑی بھاری دلیل ہے.²

جو کتاب آپ کی طرف وحی کی گئی ہے اسے پڑھئے¹ اور نماز قائم کریں²، یقیناً نماز بے حیائی اور برائی سے روکتی ہے³، بیشک اللہ کا ذکر بہت بڑی چیز ہے⁴، تم جو کچھ کر رہے ہو اس سے اللہ خبردار ہے.

اور اہل کتاب کے ساتھ بحﺚ ومباحثہ نہ کرو مگر اس طریقہ پر جو عمده ہو¹ مگر ان کے ساتھ جو ان میں ﻇالم ہیں² اور صاف اعلان کر دو کہ ہمارا تو اس کتاب پر بھی ایمان ہے اور جو ہم پر اتاری گئی ہے اور اس پر بھی جو تم پر اتاری گئی³، ہمارا تمہارا معبود ایک ہی ہے۔ ہم سب اسی کے حکم برادر ہیں.

اور ہم نے اسی طرح آپ کی طرف اپنی کتاب نازل فرمائی ہے، پس جنہیں ہم نے کتاب دی ہے وه اس پر ایمان ﻻتے ہیں¹ اور ان (مشرکین) میں سے بعض اس پر ایمان رکھتے ہیں² اور ہماری آیتوں کا انکار صرف کافر ہی کرتے ہیں.

اس سے پہلے تو آپ کوئی کتاب پڑھتے نہ تھے¹ اور نہ کسی کتاب کو اپنے ہاتھ سے لکھتے² تھے کہ یہ باطل پرست لوگ شک وشبہ میں پڑتے.³

بلکہ یہ (قرآن) تو روشن آیتیں ہیں جو اہل علم کے سینوں میں محفوظ ہیں¹، ہماری آیتوں کا منکر بجز ﻇالموں کے اور کوئی نہیں.

انہوں نے کہا کہ اس پر کچھ نشانیاں (معجزات) اس کے رب کی طرف سے کیوں نہیں اتارے گئے۔ آپ کہہ دیجئے کہ نشانیاں تو سب اللہ تعالیٰ کے پاس ہیں¹ میں تو صرف کھلم کھلا آگاه کر دینے واﻻ ہوں.