يَـٰٓأَيُّهَاٱلْمُزَّمِّلُ١

اے کپڑے میں لپٹنے والے.¹

رات (کے وقت نماز) میں کھڑے ہوجاؤ مگر کم.

آدھی رات یا اس سے بھی کچھ کم کرلے.

یا اس پر بڑھا دے¹ اور قرآن کو ٹھہر ٹھہر کر (صاف) پڑھا کر.²

یقیناً ہم تجھ پر بہت بھاری بات عنقریب نازل کریں گے.¹

بیشک رات کا اٹھنا دل جمعی کے لیے انتہائی مناسب ہے¹ اور بات کو بہت درست کر دینے واﻻ ہے.²

یقیناً تجھے دن میں بہت شغل رہتا ہے.¹

تو اپنے رب کے نام کا ذکر کیا کر اور تمام خلائق سے کٹ کر اس کی طرف متوجہ ہوجا.¹

مشرق ومغرب کا پروردگار جس کے سوا کوئی معبود نہیں، تو اسی کو اپنا کار ساز بنالے.

اور جو کچھ وه کہیں تو سہتا ره اور وضعداری کے ساتھ ان سے الگ تھلگ ره.

اور مجھے اور ان جھٹلانے والے آسوده حال لوگوں کو چھوڑ دے اور انہیں ذرا سی مہلت دے.

یقیناً ہمارے ہاں سخت بیڑیاں ہیں اور سلگتی ہوئی جہنم ہے.

اور حلق میں اٹکنے واﻻ کھانا ہے اور درد دینے واﻻ عذاب ہے.¹

جس دن زمین اور پہاڑ تھرتھرا جائیں گے اور پہاڑ مثل بھربھری ریت کے ٹیلوں کے ہوجائیں گے.¹

بیشک ہم نے تمہاری طرف بھی تم پر گواہی دینے واﻻ¹ رسول بھیج دیا ہے جیسے کہ ہم نے فرعون کے پاس رسول بھیجا تھا.

تو فرعون نے اس رسول کی نافرمانی کی تو ہم نے اسے سخت (وبال کی) پکڑ میں پکڑ لیا.¹

تم اگر کافر رہے تو اس دن کیسے پناه پاؤ گے جو دن بچوں کو بوڑھا کردے گا.¹

جس دن آسمان پھٹ جائے گا¹ اللہ تعالیٰ کا یہ وعده ہو کر ہی رہنے واﻻ ہے.²

بیشک یہ نصیحت ہے پس جو چاہے اپنے رب کی طرف راه اختیار کرے.

آپ کا رب بخوبی جانتا ہے کہ آپ اور آپ کے ساتھ کے لوگوں کی ایک جماعت قریب دو تہائی رات کے اور آدھی رات کے اور ایک تہائی رات کے تہجد پڑھتی ہے¹ اور رات دن کا پورا اندازه اللہ تعالیٰ کو ہی ہے²، وه (خوب) جانتا ہے کہ تم اسے ہرگز نہ نبھا سکو گے³ پس اس نے تم پر مہربانی کی لہٰذا جتنا قرآن پڑھنا تمہارے لیے آسان ہو اتنا ہی پڑھو⁴، وه جانتا ہے کہ تم میں بعض بیمار بھی ہوں گے، بعض دوسرے زمین میں چل پھر کر اللہ تعالیٰ کا فضل (یعنی روزی بھی) تلاش کریں گے⁵ اور کچھ لوگ اللہ تعالیٰ کی راه میں جہاد بھی کریں گے⁶، سو تم بہ آسانی جتنا قرآن پڑھ سکو پڑھو⁷ اور نماز کی پابندی رکھو⁸ اور زکوٰة دیتے رہا کرو اور اللہ تعالیٰ کو اچھا قرض دو⁹۔ اور جو نیکی تم اپنے لیے آگے بھیجو گے اسے اللہ تعالیٰ کے ہاں بہتر سے بہتر اور ﺛواب میں بہت زیاده پاؤ گے¹⁰ اللہ تعالیٰ سے معافی مانگتے رہو۔ یقیناً اللہ تعالیٰ بخشنے واﻻ. مہربان ہے