هَلْأَتَىٰعَلَىٱلْإِنسَـٰنِحِينٌۭمِّنَٱلدَّهْرِلَمْيَكُنشَيْـًۭٔامَّذْكُورًا١

یقیناً گزرا ہے انسان پر ایک وقت زمانے میں¹ جب کہ یہ کوئی قابل ذکر چیز نہ تھا.

بیشک ہم نے انسان کو ملے جلے نطفے سے امتحان کے لیے¹ پیدا کیا اور اس کو سنتا دیکھتا بنایا.²

ہم نے اسے راه دکھائی اب خواه وه شکر گزار بنے خواه ناشکرا.¹

یقیناً ہم نے کافروں کے لیے زنجیریں اور طوق اور شعلوں والی آگ تیار کر رکھی ہے. ¹

بیشک نیک لوگ وه جام پئیں گے جس کی آمیزش کافور کی ہے.¹

جو ایک چشمہ ہے¹۔ جس سے اللہ کے بندے پئیں گے اس کی نہریں نکال لے جائیں گے² (جدھر چاہیں).

جو نذر پوری کرتے ہیں¹ اور اس دن سے ڈرتے ہیں جس کی برائی چاروں طرف پھیل جانے والی ہے.²

اور اللہ تعالیٰ کی محبت¹ میں کھانا کھلاتے ہیں مسکین، یتیم اور قیدیوں کو.

ہم تو تمہیں صرف اللہ تعالیٰ کی رضامندی کے لیے کھلاتے ہیں نہ تم سے بدلہ چاہتے ہیں نہ شکر گزاری.

بیشک ہم اپنے پروردگار سے اس دن کا خوف کرتے ہیں¹ جو اداسی اور سختی واﻻ ہوگا.

پس انہیں اللہ تعالیٰ نے اس دن کی برائی سے بچا لیا¹ اور انہیں تازگی اور خوشی پہنچائی.²

اور انہیں ان کے صبر¹ کے بدلے جنت اور ریشمی لباس عطا فرمائے.

یہ وہاں تختوں پر تکیے لگائے ہوئے بیٹھیں گے۔ نہ وہاں آفتاب کی گرمی دیکھیں گے نہ جاڑے کی سختی.¹

ان جنتوں کے سائے ان پر جھکے ہوئے ہوں گے¹ اور ان کے (میوے اور) گچھے نیچے لٹکائے ہوئے ہوں گے.²

اور ان پر چاندی کے برتنوں اور ان جاموں کا دور کرایا جائے گا¹ جو شیشے کے ہوں گے.²

شیشے بھی چاندی کے جن کو (ساقی نے) اندازے سے ناپ رکھا ہوگا.¹

اور انہیں وہاں وه جام پلائے جائیں گے جن کی آمیزش زنجبیل کی ہوگی.¹

جنت کی ایک نہر سے جس کا نام سلسبیل ہے.¹

اور ان کے ارد گرد گھومتے پھرتے ہوں گے وه کم سن بچے جو ہمیشہ رہنے والے ہیں¹ جب تو انہیں دیکھے تو سمجھے کہ وه بکھرے ہوئے سچے موتی ہیں.²

تو وہاں جہاں کہیں بھی نظر ڈالے گا¹ سراسر نعمتیں اور عظیم الشان سلطنت ہی دیکھے گا.

ان کے جسموں پر سبز باریک اور موٹے ریشمی کپڑے ہوں گے¹ اور انہیں چاندی کے کنگن کا زیور پہنایا جائے گا²۔ اور انہیں ان کا رب پاک صاف شراب پلائے گا.

(کہا جائے گا) کہ یہ ہے تمہارے اعمال کا بدلہ اور تمہاری کوشش کی قدر کی گئی.

بیشک ہم نے تجھ پر بتدریج قرآن نازل کیا ہے.¹

پس تو اپنے رب کے حکم پر قائم ره¹ اور ان میں سے کسی گنہگار یا ناشکرے کا کہا نہ مان.²

اور اپنے رب کے نام کا صبح وشام ذکر کیا کر.¹

اور رات کے وقت اس کے سامنے سجدے کر اور بہت رات تک اس کی تسبیح کیا کر.¹

بیشک یہ لوگ جلدی ملنے والی (دنیا) کو چاہتے ہیں¹ اور اپنے پیچھے ایک بڑے بھاری دن کو چھوڑے دیتے ہیں.²

ہم نے انہیں پیدا کیا اور ہم نے ہی ان کے جوڑ اور بندھن مضبوط کیے¹ اور ہم جب چاہیں ان کے عوض ان جیسے اوروں کو بدل ﻻئیں.²

یقیناً یہ تو ایک نصیحت ہے پس جو چاہے اپنے رب کی راه لے لے.¹

اور تم نہ چاہو گے مگر یہ کہ اللہ تعالیٰ ہی چاہے¹ بیشک اللہ تعالیٰ علم واﻻ باحکمت ہے.²

جسے چاہے اپنی رحمت میں داخل کرلے، اور ﻇالموں کے لیے اس نے دردناک عذاب تیار کر رکھا ہے.*