وَٱلسَّمَآءِوَٱلطَّارِقِ١

قسم ہے آسمان کی اور اندھیرے میں روشن ہونے والے کی.

تجھے معلوم بھی ہے کہ وه رات کو نمودار ہونے والی چیز کیا ہے؟

وه روشن ستاره ہے.¹

کوئی ایسا نہیں جس پر نگہبان فرشتہ نہ ہو.¹

انسان کو دیکھنا چاہئے کہ وه کس چیز سے پیدا کیا گیا ہے.

وه ایک اچھلتے پانی سے پیدا کیا گیا ہے.¹

جو پیٹھ اور سینے کے درمیان سے نکلتا ہے.¹

بیشک وه اسے پھیر ﻻنے پر یقیناً قدرت رکھنے واﻻ ہے.¹

جس دن پوشیده بھیدوں کی جانچ پڑتال ہوگی.¹

تو نہ ہوگا اس کے پاس کچھ زور نہ مدددگار.¹

بارش والے آسمان کی قسم!¹

اور پھٹنے والی زمین کی قسم!¹

بیشک یہ (قرآن) البتہ دو ٹوک فیصلہ کرنے واﻻ کلام ہے.¹

یہ ہنسی کی (اور بے فائده) بات نہیں.¹

البتہ کافر داؤ گھات میں ہیں.¹

اور میں بھی ایک چال چل رہا ہوں.¹

تو کافروں کو مہلت دے¹ انہیں تھوڑے دنوں چھوڑ دے.